اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى بولعان مايكل ءفليننىڭ رەسەي ەلشىسى سەرگەي كيسلياكپەن بايلانىسى بولعانى جونىندە پريبۋس فلينن باسشىلىقتان تەلەفون ارقىلى كەلىسسوز جۇرگىزگەنىن جاسىرىپ كەلدى دەدى. پريبۋس سونىمەن بىرگە 14 اقپاندا New York Times گازەتىندە جاريالانعان "رەسەيلىك اگەنتتەرمەن بايلانىستى زەرتتەۋ تەك عانا فليننگە قاتىستى ەمەس، ترامپتىڭ اينالاسىنداعى ادامدارعا دا قاتىستى" دەگەن ماقالاعا دا پىكىرىن ءبىلدىردى. سەنبى كۇنى بۇل اقپاراتتى Reuters اگەنتتىگى راستاعان.

New York Times گازەتىنىڭ مالىمەتى بويىنشا، امەريكالىق بارلاۋ قىزمەتى رەسپۋبليكاشىلدار وكىلدەرىنىڭ شتابى رەسەيدىڭ بارلاۋ قىزمەتى مەن جوعارى لاۋازىمدى تۇلعالارى وكىلدەرىمەن تەلەفون ارقىلى بايلانىسىپ وتىرعانىن جازىپ العان. ولار 2016 جىلدان بەرى بايلانىسىپ كەلگەن. بۇل جونىندە امەريكالىق Politico باسىلىمى جانە بريتاندىق BBC-دە حابارلاپ وتىر.

اباي-اقپارات