ميلليارد تەڭگە جىمقىردى دەپ ايىپتالعان قۋاندىق بيشىمباەۆتىڭ ادۆوكاتتارى مالىمدەمە جاسادى، - دەپ حابارلايدى Tengrinews.kzء تىلشىسى.

"قۇرمەتتى باق وكىلدەرى مەن جۋرناليستەر. سوڭعى ۋاقىتتا بۇقارالىق اقپارات قۇرالدارىندا بيشىمباەۆ قۋاندىق ءۋاليحانۇلىنا قاتىستى تەرگەۋ جايلى ماتەريالدار بەلسەندى تۇردە تارالىپ جاتىر. بۇل مالىمدەمەگە جاريالانىمداردىڭ ايىپتاۋ سيپاتىندا جازىلىپ جاتقانى سەبەپ. باق-تار مەن تۆ سيۋجەتتەرىندە شىنتۋايتىندا ق.ۋ. بيشىمباەۆ قىلمىس جاساعان جانە بۇل بەكىتىلگەن دەرەك رەتىندە ايتىلىپ وتىر", - دەلىنگەن مالىمدەمەدە. 

الايدا، ادۆوكاتتاردىڭ ايتۋىنشا، بۇل قىلمىستىق ءىس تەرگەۋ ساتىسىندا جانە سوتالدى ءوندىرىس جۇرگىزىلىپ جاتىر. سونداي-اق، ادۆوكاتتار قر قىلمىستىق كودەكسىنە سايكەس (19-باپ), ادام ءوزىنىڭ كiناسi انىقتالعان قوعامعا قاۋىپتى ءىس-ارەكەتتەرى (ارەكەتتەرى نەمەسە ارەكەتسىزدىگى) ءۇشiن عانا قىلمىستىق جاۋاپتىلىققا جاتاتىنىن ەسكە سالادى. سونداي-اق، اتا زاڭنىڭ 77-بابىنا سايكەس، ادامنىڭ كiنالi ەكەندiگi زاڭدى كۇشiنە ەنگەن سوت ۇكiمiمەن تانىلعانشا ول جاسالعان قىلمىسقا كiنالi ەمەس دەپ ەسەپتەلەتىنى ايتىلادى. 

"ەشكىم دە قانداي دا ءبىر ءىسى بويىنشا سوت ارقىلى دالەلدەنبەيىنشە، ايىپتى بولىپ ەسەپتەلمەيتىنىن اتاپ وتەمىز", - دەي كەلە ادۆوكاتتار "جوعارىدا اتالعان جانە ولارعا ۇقساس ماتەريالداردى اپەللياتسياعا جاتپايتىن جانە ايىپتاۋ سيپاتىنداعى ماتەريالدار دەپ بىلەمىز، وندا قورعاۋىمىزداعى ازاماتتىڭ كىناسى دالەلدەنگەندەي سيپات بار، بۇل قوعام الدىندا قورعاۋىمىزداعى ازامات تۋرالى جاعىمسىز پىكىر قالىپتاستىرادى. قۋاندىق ءۋاليحانۇلىنا قاتىستى مۇنداي مالىمەتتەردى تەرگەۋ اياقتالماي تۇرىپ، سوت قاراماي جاتىپ، تاراتۋعا جول جوق ەكەنىن ايتقىمىز كەلەدى", - دەپ، ەسكەرتۋ جاسادى.

"قر "بۇقارالىق اقپارات قۇرالدارى تۋرالى" زاڭىنىڭ 25-بابىن نەگىزگە الا وتىرىپ، ازاماتتىڭ ار-نامىسى مەن ابىرويىنا زيان كەلتىرەتىن شىندىققا جاناسپايتىن مالىمەتتى تاراتۋعا زاڭعا سايكەس جاۋاپتىلىققا اكەپ سوعاتىنىن ەسكەرتە وتىرىپ، باق-قا ايتقىمىز كەلەتىنى، مۇنداي ايىپتاۋ سيپاتىنداعى ماتەريالداردى جازباۋعا جانە قورعاۋىمىزداعى ازاماتقا قاتىستى تاقىرىپتاردا اباي بولۋعا شاقىرامىز. بۇل جاريالانىمدار ادام تاعدىرى جايلى ەكەنىن ۇمىتپاۋدى سۇرايمىز", - دەيدى ادۆوكاتتار.

سونىمەن قاتار، ولار ءىستىڭ ءادىل تەرگەلىپ، ءادىل سوت وتەتىنىنە سەنىم ءبىلدىردى.

اباي-اقپارات