سەنبى, 5 ءساۋىر 2025
دەپ جاتىر 5062 0 پىكىر 17 اقپان, 2017 ساعات 13:27

ديماش قۇدايبەرگەنوۆ تاعى دا ءبىرىنشى ورىندا!

ديماش قۇدايبەرگەنوۆ I am a Singer بايقاۋىنىڭ التىنشى كەزەڭىندە لارا فابياننىڭ ءانىن ورىنداپ، تاعى دا جەڭىسكە جەتتى.

بۇل تۋرالى قىتاي الەۋمەتتىك جەلىلەرى جازۋدا. ديماش اتاقتى ءانشى لارا فابياننىڭ «Adagio» ءانىن ايتىپ، قىتايلاردى تاعى دا اۋزىنا قاراتتى. جەرلەسىمىز وسىمەن ءۇشىنشى رەت جەڭىس تۇعىرىنان كورىندى. ء«سۇيىنشى! ديماش تاعى شۋلاتتى! ءبىرىنشى ورىن! كەشە «Singer» بايقاۋىنىڭ كەلەسى اينالىمى ءوتتى. ديماش پيانينومەن «Adagio» ءانىن وتە جوعارى دەڭگەيدە ورىنداپ، كورەرمەندەردى جىلاتتى. ءاننىڭ ورتاسىنا كەلگەندە جۇرتتىڭ ءبارى ورىندارىنان تۇرىپ، قول سوقتى. «ديماش، ديماش»، دەپ جانكۇيەرلەردىڭ ايعايلاعان ءۇنى ءبىر ساتكە تولاستامادى»، – دەپ جازىلعان قىتايداعى Wechat الەۋمەتتىك جەلىسىندە.

ايتا كەتەيىك، قىتايدا ءوتىپ جاتقان “I am a Singer” بايقاۋى باس-اياعى 14 كەزەڭنەن تۇرادى. ونىڭ التى كەزەڭى ارتتا قالدى. ءار اپتا سايىن جەڭىسكە جەتكەن ونەرپازعا ءبىر كۋبوكتان تابىستالادى. سوڭعى اپتادا ەڭ كوپ جۇلدەنى ەنشىلەگەن ونەرپاز جەڭىمپاز دەپ تانىلادى. ازىرگە 6 كۋبوكتىڭ ۇشەۋى قازاق ءانشىسىنىڭ ەنشىسىندە. ياعني، وزگەلەرمەن سالىستىرعاندا جەڭىسكە ديماش ءبىر تابان جاقىن تۇر.

18 اقپان كۇنى استانا ۋاقىتىمەن ساعات 20.05-تە بايقاۋدىڭ بەسىنشى كەزەڭى كورسەتىلەدى. وندا ديماش برۋنو مارستىڭ رەپەرتۋارىنداعى «Uptown Funk»ء انىن ورىندايدى. قازاق ءانشىسى بۇل كەزەڭدە بەسىنشى ورىندى يەلەنىپ، تومەنگە سىرعىعان ەدى. ال التىنشى كەزەڭ كەلەسى سەنبىدە Hunan TV ارناسىنان بەرىلمەك.

 

نۇرسۇلۋ نايمانوۆا

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1509
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4229
46 - ءسوز

بىزگە بەيمالىم باراق حان

جامبىل ارتىقباەۆ 3130