28-ءشى بۇكىلالەمدىك قىسقى ۋنيۆەرسيادا قازاقستان سپورتشىلارى ءۇشىن ەڭ تابىستى ستۋدەنتتىك جارىس بولدى. ءبىزدىڭ سپورتشىلار جالپى سانى 36 جۇلدە ەنشىلەپ، جوعارى كورسەتكىشكە قول جەتكىزدى.

بۇل تۋرالى kaz.vesti.kz حابارلايدى.

ۋنيۆەرسيادا باسەكەسىندە وزا شاپقان ستۋدەنت سپورتشىلاردىڭ بارلىعىنا اقشالاي سىياقىلار تابىستالادى. التىن العاندار 4,9 ميلليون تەڭگە، كۇمىس جۇلدەگەر 3,3 ملن تەڭگە، ال قولا جۇلدە العاندار 1,6 ملن تەڭگە سىياقىعا يە بولماق. ودان بولەك، سپورتشىلارى جۇلدەگەرلەر قاتارىنا ىلىككەن باپكەرلەر دە قۇر قول قالمايدى.

جالپى ۋنيۆەرسيادا ويىندارىندا قازاقستان قۇراماسى 36 جۇلدە: 11 التىن، 8 كۇمىس جانە 17 قولا جۇلدە جەڭىپ الدى. ءسويتىپ كوماندالىق ەسەپتە تەك رەسەيدى العا جىبەرىپ، ەكىنشى ورىنعا تۇراقتادى. التىن مەدال جەڭىپ العان سپورتشىلار ءۇشىن 63 ميلليون 700 مىڭ تەڭگە، كۇمىس مەدال العان سپورتشىلار ءۇشىن 125 ميلليون 400 مىڭ تەڭگە، قولا جۇلدەگەرلەر ءۇشىن 40 ميلليون تەڭگە مەملەكەت قازىناسىنان بولىنەتىن بولادى. ياعني، سپورتشىلار ءۇشىن 229 ميلليون 100 مىڭ تەڭگە تولەنەدى. ءدال وسىنداي كولەمدە سپورتشىلاردىڭ جاتتىقتىرۋشىلارى دا سىياقى الادى. بارلىعىن قوسا ەسەپتەگەندە مەملەكەت تاراپىنان سىياقىعا 458 ميلليون 200 مىڭ تەڭگە بولىنەتىن بولادى.

ۋنيۆەرسيادا ويىندارىندا قازاقستاندىق سپورتشىلار اراسىندا ەڭ كوپ سىياقىنى گالينا ۆيشنەۆسكايا الادى. بۇل سپورتشىنىڭ ۋنيۆەرسيادا ويىندارىنداعى سىياقىسى (ەكى التىن، ەكى كۇمىس) 16 ميلليون 400 مىڭ تەڭگەگە تەڭ كەلەدى.

نۇرسۇلۋ نايمانوۆا

Abai.kz