ۇكىمەت باسشىسىنىڭ ورىنباسارى يمانعالي تاسماعامبەتوۆ قىزمەتىنەن كەتتى. بۇل تۋرالى Tengrinews.kz اقوردانىڭ ءباسپاسوز قىزمەتىنە سىلتەمە جاساي وتىرىپ، حابارلادى.

«مەملەكەت باسشىسىنىڭ بۇيرىعىمەن باسقا قىزمەتكە اۋىسۋىنا بايلانىستى تاسماعامبەتوۆ يمانعالي نۇرعاليۇلى قازاقستان رەسپۋبليكاسى پرەمەر-ءمينيسترىنىڭ ورىنباسارى قىزمەتىنەن بوساتىلدى» دەپ جازىلعان پرەزيدەنت سايتىنداعى حابارلامادا.

ۇكىمەتتىڭ كەڭەيتىلگەن وتىرىسىندا پرەزيدەنت ن.نازارباەۆ تاسماعامبەتوۆتى رەسەيگە ەلشى ەتىپ تاعايىنداعانى تۋرالى جاريا ەتتى.

يمانعالي تاسماعامبەتوۆ 2016 جىلدىڭ 13 قىركۇيەگىندە ۇكىمەت باسشىسىنىڭ ورىنباسارى بولىپ تاعايىندالعان ەدى.

كۇنى كەشە عانا الماتىعا ساپارى كەزىندە احمەت بايتۇرسىنۇلى مۇراجاي ۇيىنە مەملەكەتتىك مارتەبە بەرۋدى، الاش اۆتونومياسىنىڭ 100 جىلدىعىن مەملەكەتتىك دەڭگەيدە تويلاۋعا دايىندىق باستاۋدى تاپسىرىپ، باياعى قالپىنان تايماي ۇلت ىسىنە بىلەك سىبانا كىرىسىپ كەتكەن ەدى. ەندى، مىنە، قىزمەتىنەن كەتىپ جاتىر.

نۇرا ماتاي

Abai.kz