مۇرتازا بۇلىتاي. ديماشتىڭ جەڭىسىنىڭ استارى...
قىتايلاردىڭ ماقساتى ورىندالعان ەكەن، ءبىزدىڭ كوپشىلىك مۇنى قۇر əن بايقاۋى جəنە قازاقتىڭ شىناشاقتاي بالاسىنىڭ باعىنىڭ جانۋى دەپ قابىلداپ ۇلگەرىپتى. ءوز ەلىندە نەشە ءتۇرلى توسقاۋىلعا ۇشىراپ، جولى بولماعان قازاق جاس بالاسىنىڭ تالانتىن قىتاي ەلى مويىنداپ جاتىر، نەتكەن əدىلەتتى قىتايلار، جاقسى حالىق ەكەن، قازاققا جانى اشيتىن حالىق ەكەن عوي، قورقاتىنداي ەشتەڭەلەرى دە جوق ەكەن عوي، وسى بەكەردەن بەكەر ۇرەيلەنىپ ءجۇرىپپىز قىتايلاردان ت.ب. دەگەن پىكىرلەردى وقىپ جاتىرمىن.
مəسەلە، ديماشتا دا ەمەس، ونىڭ داۋىسى مەن تالانتىندا دا ەمەس، ول مەدالدىڭ بىزگە كورىنىپ تۇرعان ءجۇزى. بىراق، مىنا كونكۋرس ارقىلى قازاقستان قوعامىنىڭ، əسىرەسە قازاقتاردىڭ قىتاي ەلىنە، قىتاي حالقىنا دەگەن كوزقاراسى ايتارلىقتاي وزگەرىپ كەتتى، پوليتتەحنولوگتاردىڭ كوزدەگەنى دە وسى بولعان شىعار. مۇناي كەن ورىندارىنىڭ ايتارلىقتاي بولىگى قىتايلاردىڭ قولىندا، 51 زاۋىتىن بۇزىپ-جيناپ قازاقستانعا əكەپ ورنالاستىرايىن دەپ جاتىر. قازاق قىزدارىن بويداق قىتايلارعا ۇزاتۋ جوباسى ءجۇرىپ جاتىر. قازاقستاننىڭ اۋىلشارۋاشىلىعىنا ارنالعان جەرلەرىن ساتىپ الۋ نەمەسە جالداۋ ماقساتتارى ايقىن. شىڭعىسحاننىڭ كينوسى مەن سەريالدارى وسىدان ونشاقتى جىل بۇرىن العاشقى پيار جوبالارىنىڭ ءبىرى رەتىندە ءتيىمدى جۇزەگە اسىرىلدى. كورەرمەن جىلى قابىلداپ، استىڭعى ساناعا قىتاي كينوماتوگرافياسىنىڭ وڭ ءيميدجى ورنالاستىرىلدى، ءتىپتى قىتايشا ۇيرەنە باستاڭدار دەگەن سوزدەردى ەستىدىك. ەندى وسى əن بايقاۋى تاعى ءبىر رەت كەرەمەت كۇشتى، باي جəنە əدىلەتتى قىتاي ەلى تۇسىنىگىن ساناعا قۇيىپ بەردى. قۋانىڭىزدار، قۋانا بەرىڭىزدەر!
