نازارباەۆتىڭ مۇراگەرى تۋرالى بولجام شىقتى
ساياساتتانۋشى دوسىم ساتپاەۆ قر پرەزيدەنتى نازارباەۆتىڭ مۇراگەرى كىم بولۋى مۇمكىن ەكەندىگىنە بولجام جاسادى.
«نازارباەۆ وزىنە ءىزباسار رەتىندە كىمدى قويادى دەگەن سۇراق بارىن مازالاۋدا. ەكىنشى پرەزيدەنت كىم بولسا دا، ونىڭ قازىرگى پرەزيدەنتپەن سالىستىرعاندا قۇزىرەتى ازىراق بولادى دەپ بولجاي الامىز… بولاشاقتا پرەزيدەنتتىڭ قۇزىرەتى ودان ءارى ازايا تۇسەتىن بولۋى كەرەك»، – دەيدى ساتپاەۆ.
ساياساتتانۋشى پرەزيدەنتتىڭ ورنىنا كىم كەلۋى مۇمكىن ەكەنىن تىزبەكتەدى.
«تۇلعالارعا كەلەتىن بولساق، ولاردىڭ ءتىزىمى كۇرت وزگەرىپ تۇرادى. سوڭعى جىلدارى بۇل تۇرعىدا تۇراقتىلىق جوق. تىزىمگە پرەزيدەنت وتباسىنىڭ كەي مۇشەلەرى، ەسكى گۆارديا جانە پرەزيدەنتتىك ورتاداعى ادامدار كىرەدى. مۇمكىن دەپ قاراستىرىلىپ وتىرعان ۇمىتكەرلەر سانى ايتارلىقتاي كوپ ەمەس. بۇل ونىڭ قىزى – داريعا نازارباەۆا، كۇيەۋ بالاسى تيمۋر قۇلىباەۆ، ۇقك توراعاسىنىڭ ورىنباسارى سامات ءابىش تە بار»، – دەپ بولجامدارىمەن ءبولىستى دوسىم ساتپاەۆ.
«ورتاسىنداعى ادامدارىنا كەلەتىن بولساق، وندا بىرنەشە ادامنىڭ ەسىمىن اتاۋعا بولادى. يمانعالي تاسماعامبەتوۆ – قوعامدا وتە تانىمال ساياسي ەليتانىڭ جالعىز وكىلى دەۋگە كەلەدى… تاسماعامبەتوۆ ساياسي ەليتا ىشىندە باسەكەلەستەرى كوپ بولعانىنا قاراماستان، وتە ۇلكەن تانىمالدىققا يە»، – دەپ ءتۇيدى ساياساتتانۋشى.
اباي-اقپارات
