قازاقتىڭ ءوز ەلىندە ءتىلىنىڭ قادىرى كەتكەنى، ءتىپتى، جىلدان-جىلعا قولدانۋ اياسى تارىلىپ، جويىلىپ بارا جاتقانى تۋرالى ايتىلماعان ءسوز قالمادى. بىراق ءوز ەلىندە قازاقتىڭ ايتقان ءسوزى «يت ۇرەدى، كەرۋەن كوشەدىنىڭ» كۇنىن كەشىپ وتىرعانىن ەندى ەش نارسەمەن جۋىپ-شايا المايمىز.

بۇل – قازاقتى قورلاۋدىڭ، ال ماعان نە ىستەيسىڭ دەگەن تاسىرلىقتىڭ ەڭ باستى دالەلى. بۇگىن «الماتى اقشامى» گازەتىنەن «الماتىلىقتار ۋنيۆەرسيادانى 24 مەكەمەدەن تاماشالاي الادى» دەگەن حابارلاندىرۋدى كوردىك (26.01.2017). قاراپ وتىرساق، سول 24 مەكەمەنىڭ ىشىندە قازاقشا اتاۋى بار ءبىر مەكەمە جوق ەكەن.

ولار «بوچونوك»، «دوم»، «ورانجەۆىي ۆەربليۋد»، «ماستەر جيگۋلەۆ» «ۆەچنوە نەبو»، «بازيليك»، «گرانات»، «بارمگلوت»، «كارلوۆ موست» دەگەن ورىسشا، قالعاندارى تۇگەل شەتەلدىك اتاۋى بار «مەكەمەلەر» ەكەن. ىشىمىزدەن ء«وز ەلىندە قازاق سياقتى وسىنشا نامىسىنان ايرىلعان ۇلت جەر بەتىندە جوق شىعار، ءبىتتىڭ عوي قازاق» دەدىك تە جۇرە بەردىك. قولدان كەلەر قايران جوق. ءتىپتى، وسى ءسوزىڭ ءۇشىن-اق تەرروريست، يسلاميست، سيرياعا بارعىسى كەلگەن اتانىپ كەتۋىڭ دە مۇمكىن عوي. ال «الماتى اقشامىنداعىلار» بۇل قالاي دەپ ءبىر اۋىز ءسوز ايتپاي وسىنى قۋانا حابارلاپ وتىر ما ەكەن؟

Facebook-تەگى پاراقشاسىنان