الەمدە كوز كورمەگەن، قۇلاق ەستىمەگەن ءتۇرلى تاڭعاجايىپ بار. ءبىرىن بىلسەك، ءبىرىن بىلە بەرمەيمىز.

اسسام ءۇندى شتاتىنداعى تاۋدا قۇستار قۇلايتىن اڭعار بار. ءار جىلدىڭ تامىز ايىندا، ءتۇن ورتاسى اۋعاندا قۇزدان قۇستار قۇلاي باستايدى. سونىمەن قاتار قۇستار جارتىلاي ەس-ءتۇسسىز كۇيدە بولادى.

كانو سپوراسى – كارىپتاس (يانتار) تۇيىرشەگىندە ءومىر سۇرەتىن ميكرو اعزا. ونى ميكروبيولوگ راۋل كانو اشقان. تاڭعالارلىعى، سپورا قارامايعا 25 ميلليون جىل بۇرىن تۇسكەن.

قىتايدا سارقىرامالى كول بار. ول قىستا 30 گرادۋس (تسەلسي) ايازدا دا قاتپايدى. ال جازدىڭ ورتاسىندا تابيعاتتىڭ تىلسىم كۇشىمەن قاتا باستايدى.

قازاقستاننىڭ تالدىقورعان وبلىسىندا الەمدى تاڭعالدىرعان كىشكەنە عانا سۋات (100×60 م) بار. ول شىلدەنىڭ شىجعىرعان كۇنىندە دە قۇرعامايدى، مۇز بوپ تۇرادى. ول سۋ قويماسىندا بالىق اۋلانبايدى، بالدىر وسپەيدى. ول جەر ءالى كۇنگە دەيىن تولىق زەرتتەلمەدى. سۇڭگۋىرلەر بالونعا بارىنشا اۋا تولتىرىپ الىپ تۇسسە دە، ءۇش مينۋتتان سوڭ تۇنشىعا باستايدى.

قازاقستانداعى تاعى ءبىر شەتەل عالىمدارىن تاڭعالدىرعان جەر – سەمەي وبلىسىندا. بۇرىنعى سەمەي پوليگونى بولعان جەردىڭ ورنىندا ايداھاردىڭ بەينەسى تارىزدەس داق قالعان. عالىمدار قانشا باس قاتىرسا دا، مۇنىڭ قۇپياسىن تولىق اشا الماي كەلەدى.

سايتقا ازىرلەگەن نۇسۇلۋ نايمانوۆا.

Abai.kz