بوكستان قازاقستان چەمپيونى، ازيا چەمپيوناتىنىڭ جۇلدەگەرى فيرۋزا ءشارىپوۆا رەسەيدىڭ جۋكوۆكا كەنتىندەگى فلويد مەيۆەزەر اتىنداعى بوكس اكادەمياسىندا شەبەرلىك ساباعىن وتكىزەدى دەپ حابارلايدى قازاقپارات. 

فيرۋزا ءشارىپوۆا اكادەميا ديرەكتورى ولەگ جادوبينمەن كەزدەسكەن كەزدەسكەندە، ول بوكسشى قىزعا وسىنداي ۇسىنىس ايتقان. شەبەرلىك ساباعى 23 اقپان كۇنىنە جوسپارلانعان. "1 ساعات كولەمىندە وتەتىن ماستەر-كلاسسقا كەلەم دەۋشىلەرگە ەسىك اشىق، تەگىن وتەدى. شەبەرلىك ساباعىنا جاسىنا، سپورتتاعى مارتەبەسىنە، دايىندىق دەڭگەيىنە قاراماي، كەز كەلگەن ادام كەلە بەرۋىنە بولادى»، - دەيدى فيرۋزا اگەنتتىك تىلشىسىمەن اڭگىمەلەسە وتىرىپ. فيرۋزا ءشارىپوۆا سونداي-اق بىزگە بۇگىن فوتوسەسسيا وتەتىنىن دە حابارلادى. «ولەگ جادوبين اتاپ وتكەندەي، بۇل فوتوسەسسيا كوپ باسىلىمدارعا تاپتىرماس سۋرەت بولادى ەكەن. سۋرەتتەرىمدى اكادەميانىڭ ءباسپاسوز قىزمەتى تاراتادى", - دەيدى فيرۋزا.

فيرۋزا ءشارىپوۆا جامبىل وبلىسىندا دۇنيەگە كەلگەن. ول كاسىپقوي بوكستا ءۇش رەت رينگكە شىققان. ەكى كەزدەسۋدە جەڭىسكە جەتىپ، بىرەۋىندە جەڭىلىس تاپقان. قازىر سپورتشى ماسكەۋدە جاتتىعىپ ءجۇر.

سايتقا ازىرلەگەن نۇرسۇلۋ نايمانوۆا

Abai.kz