كورشى تاجىكستاندا ءىش سۇزەگىنىڭ بەلەڭ الۋىنا بايلانىستى وزبەكستان وسى ىندەتپەن كۇرەس شارالارىن كۇشەيتتى
تاشكەنت. 20 قىرقۇيەك. قازتاگ – كورشى تاجىكستاندا ءىش سۇزەگىنىڭ بەلەڭ الۋىنا بايلانىستى وزبەكستان وسى ىندەتپەن كۇرەس شارالارىن كۇشەيتەدى، دەپ ءمالىم ەتتى جۋرناليستەرگە وزبەكستاننىڭ مەملەكەتتىك باس سانيتارلىق دارىگەرى، دەنساۋلىق ساقتاۋ ءمينيسترىنىڭ ورىنباسارى سايدمۋراد سايداليەۆ.
ول تاجىكستاننىڭ رەسمي ورگاندارىنىڭ مالىمەتتەرىنە سايكەس، وسى رەسپۋبليكانىڭ اۋماعىندا ءىش سۇزەگىنە شالدىعۋدىڭ 100-دەن اسا وقيعاسى تىركەلدى.
جاعدايدى باقىلاۋ ءۇشىن رەسپۋبليكا دەنساۋلىق ساقتاۋ مينيسترلىگىنىڭ جانىنان ەپيدەميامەن كۇرەس جونىندەگى شتاب قۇرىلدى، دەدى س. سايداليەۆ.
ونىڭ ايتۋىنشا، «شتابقا ەل ايماقتارىنان اقپارات تۇسەدى، ول سارالانعان سوڭ شىققان ناتيجە بويىنشا الدىن الۋ شارالارى ۇيلەستىرىلەدى».
«سانيتارلىق-ەپيدەميولوگيالىق قىزمەت اۋىز سۋمەن قامتۋعا جانە ونىڭ ساپاسىنا تۇراقتى مونيتورينگ جۇرگىزىپ وتىر. مۇنداي مونيتورينگ اشىق سۋ قويمالارىنىڭ بارىندە ۇيىمداستىرىلدى. سۋ سىنامالارى سانيتارلىق-باكتەريولوگيالىق زەرتحانالاردا تەكسەرىلەدى. انىقتالعان پروبلەمالار بويىنشا ولاردى جويۋ شارالارى قولعا الىنادى»، - دەدى س. سايداليەۆ.
تاشكەنت. 20 قىرقۇيەك. قازتاگ – كورشى تاجىكستاندا ءىش سۇزەگىنىڭ بەلەڭ الۋىنا بايلانىستى وزبەكستان وسى ىندەتپەن كۇرەس شارالارىن كۇشەيتەدى، دەپ ءمالىم ەتتى جۋرناليستەرگە وزبەكستاننىڭ مەملەكەتتىك باس سانيتارلىق دارىگەرى، دەنساۋلىق ساقتاۋ ءمينيسترىنىڭ ورىنباسارى سايدمۋراد سايداليەۆ.
ول تاجىكستاننىڭ رەسمي ورگاندارىنىڭ مالىمەتتەرىنە سايكەس، وسى رەسپۋبليكانىڭ اۋماعىندا ءىش سۇزەگىنە شالدىعۋدىڭ 100-دەن اسا وقيعاسى تىركەلدى.
جاعدايدى باقىلاۋ ءۇشىن رەسپۋبليكا دەنساۋلىق ساقتاۋ مينيسترلىگىنىڭ جانىنان ەپيدەميامەن كۇرەس جونىندەگى شتاب قۇرىلدى، دەدى س. سايداليەۆ.
ونىڭ ايتۋىنشا، «شتابقا ەل ايماقتارىنان اقپارات تۇسەدى، ول سارالانعان سوڭ شىققان ناتيجە بويىنشا الدىن الۋ شارالارى ۇيلەستىرىلەدى».
«سانيتارلىق-ەپيدەميولوگيالىق قىزمەت اۋىز سۋمەن قامتۋعا جانە ونىڭ ساپاسىنا تۇراقتى مونيتورينگ جۇرگىزىپ وتىر. مۇنداي مونيتورينگ اشىق سۋ قويمالارىنىڭ بارىندە ۇيىمداستىرىلدى. سۋ سىنامالارى سانيتارلىق-باكتەريولوگيالىق زەرتحانالاردا تەكسەرىلەدى. انىقتالعان پروبلەمالار بويىنشا ولاردى جويۋ شارالارى قولعا الىنادى»، - دەدى س. سايداليەۆ.
وزبەكستانعا كەلىپ جاتقانداردىڭ اراسىنان ءىش سۇزەگىنە، باسقا دا جۇقپالى اۋرۋلارعا شالدىققانداردى انىقتاۋ ءۇشىن مەملەكەتتىك شەكارانى كەسىپ ءوتۋ بەكەتتەرىندە سانيتارلىق-باقىلاۋ قىزمەتتەرىنىڭ جۇمىسى كۇشەيتىلدى.
«بۇل قىزمەتتەر اتالعان اۋرۋلارعا قارسى قولدانىلاتىن يممۋنوبيولوگيالىق پرەپاراتتارمەن، زالالسىزداندىرۋشى قۇرالدارمەن، دارىلىك زاتتارمەن قامتاماسىز ەتىلگەن»، دەپ ءمالىم ەتتى وزبەكستاننىڭ باس سانيتارلىق دارىگەرى.
س. سايداليەۆ قازىرگى ۋاقىتتا وزبەكستاندا ءىش سۇزەگىنە شالدىعۋ وقيعالارى تىركەلمەگەنىن حابارلادى.
