بۇگىن "استانا پروتسەسسى" قورىتىندىلاناتىن كۇن. كەشە باستالعان سيرياداعى احۋالدى رەتتەۋ ءام اساد رەجىمى جاقتاستارى مەن وپپوزيتسيا اراسىنداعى قارۋلى قاقتىعىستاردى دوعارۋ جونىندەگى كەزدەسۋدىڭ قورىتىندىسى بەلگىلى بولادى. 

سيرياداعى سوعىستى توقتاتۋ ماسەلەلەرى تالقىلانعان بۇل پروتسەسسكە قازاقستان قاتىسپادى. رەسەي جانە تۇركيا پرەزيدەنتتەرىنىڭ ۇسىنىسىمەن قازاقستان استاناسىندا ءوتىپ جاتقان دوڭگەلەك ۇستەلگە داماسكتىڭ رەسمي بيلىك وكىلدەرى مەن وپپوزيتسيالىق 15 ۇيىمنىڭ جەتەكشىلەرى، يران، تۇركيا، رەسەي جانە اقش وكىلدەرى قاتىسۋدا.

بۇل باسقوسۋعا سيريا وپپوزيتسيا وكىلدەرى استاناعا اسكەري (قارۋلى) دەلەگاتسيا جىبەرگەن ەدى. ولاردىڭ جەتەكشىسى بولىپ سيرياداعى "دجەيش ءال-يسلام" ۇيىمىنىڭ قولباسشىسى مۇحاممەد اللۋش كەلگەن.

وسى جولعى استاناداعى كەزدەسۋدە 6 جىل بويى ءبىر-بىرىمەن سوعىسىپ كەلگەن اساد جاقتاستارى مەن وپپوزيتسيا وكىلدەرى العاش رەت بەتپە-بەت كەزدەسىپ، ءبىر ۇستەلگە وتىردى.

كەشەگى كۇننىڭ قورىتىندىسى بويىنشا ءسوز سويلەگەن دەلەگاتسيا مۇشەلەرى استانا پروتسەسسىنىڭ سوڭىندا تاراپتار كەلىسىمگە كەلۋ ىقتيمال ەكەندىگىن جەتكىزدى.

ايتا كەتەيىك، استانا پروتسەسسى كەزىندە اراب جۋرناليستەرى تەكەتىرەسىپ قالعان بولاتىن. وقيعا، سيريانىڭ بۇۇ-داعى رەسمي وكىلى باشار ءال-دجافاري تىلشىلەرگە سۇحبات بەرۋگە شىققان ساتىندە ورىن الدى.

سالدەن سوڭ، استانا پروتسەسسىنىڭ قورىتىندىسى جاريالاناتىن بولادى.

نۇرگەلدى ابدىعانيۇلى

Abai.kz