حقكو-داعى ادام ولىمىنە دەپۋتاتتار كىنالى ەمەس ەكەن
2017 جىلعى 16 قاڭتاردا الماتى قالاسىنىڭ الاتاۋ اۋداندىق حقكو-سىندا قايعىلى جاعداي ورىن الىپ، 53 جاستاعى ازامات قازا بولدى. ازاماتتاردى ۋاقىتشا تىركەۋ داۋى باستالعان العاشقى ەكى اپتانىڭ وزىندە حقكو-دان ەكى ازاماتتىڭ ءمايىتى شىعىپ وتىر. وسىعان دەيىن الماتى وبلىسىنداعى ىلە اۋداندىق حالىققا قىزمەت كورسەتۋ ورتالىعىنا قۇجات راسىمدەۋگە كەلگەن اقساقالدىڭ وقىستان قايتىس بولعانى حابارلانعان ەدى.
ارينە، داعدارىس قىسىپ، ەكسپو جاقىنداپ، تەرروريزم قاۋپى ۇلعايعان كەزدە ازاماتتاردى تىركەۋگە الۋ مەملەكەت ءۇشىن اسا ماڭىزدى مىندەت شىعار. بىراق، وسى زاڭدى شىعارۋشىلار ەلدىڭ جاعدايىمەن تولىق ساناسپاعانى انىق بايقالادى. ءتىپتى، دەپۋتاتتار زاڭنىڭ ادام ولىمىنە سەبەپكەر بولا باستاعانىن بىلە سالا كىنانىڭ ءبارىن قارا حالىققا اۋدارا باستادى.
ماسەلەن پارلامەنت ءماجىلىسىنىڭ دەپۋتاتى امانجان جامالوۆ الماتى قالاسىنداعى الاتاۋ اۋداندىق حقكو-دا قازا بولعان ازاماتقا قاتىستى ويىن ءبىلدىرىپ، وزدەرىنىڭ "كىناسىز" ەكەندىكتەرىن مالىمدەگەن.
يا «NewTimes.kz» باسىلىمىنىڭ جازۋىنشا اتالعان دەپۋتات بىلاي دەگەن.
امانجان جامالوۆ، قر پارلامەنت ءماجىلىسىنىڭ دەپۋتاتى
- «قازاقستاندا ۋاقىتشا تىركەۋ جۇرگىزىلىپ جاتقاندىقتان، حقكو-دا ادام ءولىمى بولىپ جاتىر دەپ ويلايسىزدار ما؟!. ە، ادام قايتىس بولىپتى، ءدال وسىنداي دەنساۋلىعىنىڭ سىر بەرۋ سالداردان ول ءوز ۇيىندە دە، باسقا جەردە دە كوز جۇمۋى مۇمكىن ەدى. بۇل سۇراق بويىنشا جەدەل-جاردەمنىڭ دارىگەرلەرىنە حابارلاسىڭىزدار. «مەن بۇل ماسەلەدە كىنامىزدى سەزىنىپ وتىرعان جوقپىن. ءبىز كوپتەگەن زاڭ قابىلدايمىز، جانە اتالمىش زاڭدى وندىرىسكە جىبەرەمىز. "بۇگىنگى كۇنى ەشكىم ۋاقىتشا تىركەلۋدىڭ دۇرىس جۇرگىزىلمەي جاتقانىنا كۇمان كەلتىرىپ جاتقان جوق" دەپ ايتۋعا بولادى.
دەپۋتاتتىڭ سوزىنە سەنسەك، سوڭعى ەكى اپتاداعى ەكى ازامات تا ءوز كىناسىنەن قايتىس بولعان. سوندىقتان، وسىدان كەيىن ۋاقىتشا تىركەۋدىڭ داۋىنا قاتىستى ماسەلەدە حالىق دەپۋتاتتاردى ەمەس، "جەدەل جاردەمدى" كومەك سۇراعانى دۇرىس سياقتى.
ءشارىپحان قايسار
Abai.kz
