اتەش موينىن سوزباسا، داۋىس شىعارىپ شاقىرا المايدى. ال ادام اتەشتىڭ شاقىرعانىن ەكى شاقىرىم قاشىقتىقتان ەستيدى.

* * * جۇمىرتقا ءتۇسىنىڭ اق نەمەسە قوڭىرلىعى ونى تاپقان تاۋىقتىڭ تۇسىنە بايلانىستى ەكەن. اق تاۋىق نەگىزىنەن اق جۇمىرتقا تاپسا، ءتۇرلى-ءتۇستى تاۋىقتاردىڭ جۇمىرتقاسى قوڭىر بولىپ كەلەدى. الايدا، بۇل جۇمىرتقالاردىڭ قۇرامى مەن دامىندە ەشقانداي وزگەشەلىك بولمايدى.

* * *  ءۇي قۇستارىنىڭ سانى جەر بەتىندەگى ادامداردىڭ سانىنان اسىپ كەتەدى. بىلايشا ايتقاندا، ءاربىر ادامعا ءۇش قۇستان كەلەدى ەكەن.

* * *  تاۋىقتا دا سەزىم بار دەگەنگە سەنۋ قيىن. بىراق بريتانيالىق ورنيتولوگ دجو ەدگار ءۇي قۇستارىنىڭ كوڭىل كۇيىندە وزگەرىستەر بولاتىنىن انىقتاعان. سونداي-اق، كەز كەلگەن تاۋىق توپتان ءبولىنىپ جالعىز قالعان جاعدايدا، كوڭىل كۇيى ءتۇسىپ كەتەتىندىگى بۇرىننان بەلگىلى.

* * *  «تاۋىقتىڭ ميىنداي مي جوق» دەگەن بەكەر ءسوز ەكەن. شىن مانىندە تاۋىقتار مەن اتەشتەردىڭ تۇيسىگى وزدەرىنە قاجەتتى دەڭگەيدە جۇمىس ىستەيدى. ولاردىڭ ميى جۇزدەن استام ءتۇردىڭ (باسقا تاۋىقتاردىڭ، ادامداردىڭ) ەرەكشەلىك سيپاتتارىن ەستە ساقتاي الادى. سوندىقتان تاۋىقتار وزىنە جاقسىلىق، ياكي جاماندىق قىلعان ادامدى ۇمىتپايدى. بۇعان قوسا بۇل قۇستار اريفمەتيكالىق ەسەپ پەن گەومەتريالىق فيگۋرالاردى دا اجىراتا الاتىن قابىلەتكە يە.

* * *  جابايى تاۋىقتى ادامدار العاش رەت قولعا ءبىزدىڭ داۋىرگە دەيىنگى III-II مىڭجىلدىقتا ءۇندىستان جەرىندە ۇيرەتكەن. 

* * *  تاۋىقتى گيپنوزداۋ وڭاي، كەيبىر جان-جانۋارلار سياقتى ولار ءوز ومىرىنە قاۋىپ تونگەندە، ءولىپ قالعانداي كەيىپ تانىتا الادى. 

* * *  مايكل دەگەن اتەش باسسىز ءبىر جارىم جىل ءومىر سۇرگەنىن بىرەۋ بىلسە بىرەۋ بىلمەيدى. 1945 جىلى امەريكاندىق فەرمەر مايكلدىڭ باسىن شاۋىپ تاستاعان. بىراق اتەشتىڭ ميىنىڭ جارتىسى مەن ءبىر قۇلاعى قالادى. مۇنى كورگەن يەسى الگى قۇسقا جانى اشىپ، قايتادان اسىراۋعا نيەتتەنگەن. ءدان مەن ءسۇتتى فەرمەر ارنايى قۇرىلعى ارقىلى بەرىپ وتىرعان. ءسويتىپ، باسى جوق اتەش ءبىر جارىم جىل ءومىر سۇرەدى.

 "ديدار" گازەتى

شىعىس قازاقستان وبلىسى