وتكەن اپتانىڭ باستى سەنساتسياسى «نۇر وتان» پارتياسىنىڭ مۇشەسى، ءماجىلىس دەپۋتاتى مۇحتار تىنىكەەۆكە قاتىستى شۋلى بەينە جازبا بولعانى بەلگىلى.

بەينە جازبا الەۋمەتتىك جەلىدە قىزۋ تالقىعا سالىنىپ، قوعامدىق رەزونانس تۋدىرعان سوڭ، قر پارلامەنتى دەپۋتاتتىڭ ماسەلەسىن قاراۋعا كىرىستى.

اتالعان بەينە جازبا پايدا بولعان كۇنى دەپۋتاتتىڭ ءوزى دەنساۋلىعى بولماي، اۋرۋحاناعا كەتكەندىكتەن، ونىڭ ارىپتەستەرى بالەندەي ءبىر پىكىر ايتپاعان ەدى.

جاقىندا دەپۋتات مۇحتار باكىرۇلىنىڭ ءوزى بولعان جايدى ءتۇسىندىرىپ، كەشىرىم سۇراپتى. دەپۋتاتتىق مانداتىن ءوز ەركىمەن تاپسىراتىنىن ايتىپ، پارلامەنتتىك دەپۋتاتتىق ەتيكا جونىندەگى كەڭەسكە ءوتىنىش تە جازعان.

اقىرى مۇحتار باكىرۇلىنىڭ ءوتىنىشىن كەڭەس قاناعا تاندىرىپ، ول دەپۋتاتتىقتان بوساتىلاتىن بولدى.

كەشە ءماجىلىس ۇيىندە وتكەن كەڭەسكە قاتىستى پارلامەنتتىك رەسمي سايتى مالىمدەمە جاسادى. وندا دەپۋتات تىنىكەەۆتىڭ ءوتىنىشى قاناعاتتاندىرىلعاندىعى ايتىلادى.

ال ءبىز دەپۋتات مۇحتار تىنىكەەۆتىڭ كەشىرىم سۇراعان حاتىن نازارلارىڭىزعا ۇسىنامىز. ءوز حاتىندا ول دەپۋتات بولعان شيرەك عاسىر شەگىندە ءادىل ءارى تابان تۇردە ازاماتتاردىڭ مۇددەسىنە قىزمەت ەتكەندىگىن ايتىپ، ءارى قاراي دا ەلباسى مەن ەلگە قىزمەت ەتۋگە دايار ەكەندىگىن جەتكىزگەن.

نۇرزات توعجان

Abai.kz