استانا. 28 قىرقۇيەك. قازتاگ – مەملەكەت باسشىسى «قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ مەملەكەتتىك قىزمەتتەر ستاندارتتارىن بەكىتۋ تۋرالى» جارلىققا قول قويدى. قر پرەزيدەنتى نۇرسۇلتان نازارباەۆ21 قىرقۇيەكتە قول قويعان قۇجات سەيسەنبى كۇنى رەسمي باسپاسوزدە جارىق كوردى.

«2008 جىلعى 4 جەلتوقسانداعى قازاقستان رەسپۋبليكاسىنىڭ بيۋدجەت كودەكسىنىڭ 34-بابى 2-تارماعىنا سايكەس قاۋلى ەتەمىن: قوسا بەرىلىپ وتىرعان قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ مەملەكەتتىك قىزمەتتەر ستاندارتتارى بەكىتىلسىن»، - دەلىنگەن جارلىقتا.

قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ تۇسىنىكتەمەسىندە ايتىلعانداي، جارلىققا سايكەس قر قارجى نارىعىن جانە قارجى ۇيىمدارىن رەتتەۋ جانە قاداعالاۋ اگەنتتىگى (ققا) كورسەتەتىن مەملەكەتتىك قىزمەتتەردىڭ بىرنەشە ءتۇرى بويىنشا ستاندارتتار بەكىتىلدى.

بۇل - بانكتىڭ قۇرىلتاي قۇجاتتارىنا ەنگىزىلەتىن وزگەرىستەر مەن تولىقتىرۋلاردى كەلىسۋ; ساقتاندىرۋ (قايتا ساقتاندىرۋ) ۇيىمىنىڭ قۇرىلتاي قۇجاتتارىنا ەنگىزىلەتىن وزگەرىستەر مەن تولىقتىرۋلاردى كەلىسۋ; جيناقتاۋشى زەينەتاقى قورىنىڭ زەينەتاقى ەرەجەلەرىن كەلىسۋ; ورتالىق دەپوزيتاريدىڭ ەرەجەلەر جيناعىن كەلىسۋ; ساۋدا-ساتتىقتى ۇيىمداستىرۋشىنىڭ ەرەجەلەرىن كەلىسۋ; قارجى ۇيىمىنىڭ باسشى قىزمەتكەرىن تاعايىنداۋعا (سايلاۋعا) كەلىسىم بەرۋ; مۇلىكتى (زياتكەرلىك مەنشىك وبەكتىلەرىن، ماتەريالدىق ەمەس اكتيۆتەردىڭ قۇنىن قوسپاعاندا) باعالاي جونىندەگى قىزمەتتى جۇزەگە اسىرۋعا ليتسەنزياسى بار جەكە نەمەسە زاڭدى تۇلعانى اككرەديتتەۋ جانە باسقالارى.

ستاندارتتاردىڭ تولىق ءماتىنى ققا www.afn.kzينتەرنەت رەسۋرسىندا «زاڭدار» بولىمىندە جاريالانادى.

«ستاندارتتاردى قابىلداۋ جەكە جىنە زاڭدى تۇلعالاردىڭ ققا كورسەتەتىن مەملەكەتتىك قىزمەتتەردىڭ ساپاسىنا قاناعاتتانۋ دەڭگەيىن ارتتىرۋعا ىقپال ەتەدى»، - دەلىنگەن تۇسىنىكتەمەدە.

جارلىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.