- اينۇر، كەشە ءسىز ءالىبي جۇماعۇلوۆتى قانداي جاعدايدا كوردىڭىز؟  

- ءبىزدىڭ ۇيدە كەشە كۋاگەرلەر بولدى: ونىڭ ء(الىبيدى ايتادى - رەد.) دەنساۋلىعى جاقسى كورىندى، ەشكىمنىڭ سۇيەمەلدەۋىنسىز ءوزىنىڭ ءجۇرىپ-تۇراتىندىعى بايقالدى.  

- ء«بىزدىڭ ءۇي» دەپ وتىرعانىڭىز ءسىزدىڭ جاماليەۆ مىرزامەن بىرگە تۇراتىن ءۇيىڭىز بە؟

- ءيا، ول (ءالىبي - رەد.) كەشە ءبىزدىڭ ۇيگە كەلدى.

- نە ءۇشىن كەلدى؟

- وقيعانىڭ ءمان-جايىن انىقتاۋ ءۇشىن كەلدى.

- قۇقىققورعاۋ قىزمەتكەرلەرىمەن بىرگە كەلدى مە؟

- ءيا. ول ماعان شيراق ءارى سەرگەك كورىندى. كەلدى، ءوز اياعىمەن كەتتى. ايتپاقشى، جۇرت ايتىپ، شۋلاپ جاتقان وقيعا بولعان كۇنى ول وسى ارادان تاكسيگە ءمىنىپ كەتكەن بولاتىن. كەشەگى كۋاگەرلەر مۇلدە باسقا ادامدار بولىپ شىقتى. ءبىزدىڭ ۇيدەگى جايدى كورشىلەرىمىز عالامتور ارقىلى عانا بىلۋدە.

- ال، ءسىز الىبيمەن سويلەستىڭىز بە؟

- جوق.

- ءالىبي سىزدەردىڭ ۇيلەرىڭىزدە ءبىراز ۋاقىت بولدى ما؟

- شامامەن جارتى ساعات، الدە 20 مينۋت.

- ونىڭ قاسىندا قانشا پوليتسيا قىزمەتكەرى بولدى؟

- ەكەۋ.

- ءالىبي اۋرۋحانادان شىعىپ قويعان با؟

- شىنىمدى ايتسام، بىلمەيمىن. مەنشە بولعاندا، ول تۋرالى ءسوزدى جۇرت "اۋرۋحانادا", "جانساقتاۋ بولىمىندە جاتىر", "بويىنان كوپ قان جوعالتقان" دەپ ادەيى گۋلەتۋدە. مۇمكىن، ول قازىر، راس، ارۋحانادا جاتقان شىعار. ونى اۋرۋحانادا ارنايى جاساق كۇزەتىپ، قورعاپ تۇرۋى دا ىقتيمال. ناقتىسىن بىلمەيمىن. بىراق، انىق جايت – عالامتوردا ءسوز بولىپ جاتقانداي، ونىڭ قۇلاعىن كەسىپ، ەرنىن تىلگەن ەشكىم جوق. ول ءوزى ءجۇرىپ-تۇرادى. جاعدايى جاقسى. مەن ءوز كوزىممەن كوردىم. ءبىرىنشى قاباتتاعى ادامدار، كوشەدەگى جۇرت بار، كۇزەتشىلەرىمىز بار – ءبارى كوردى. ءبارى-ءبارى كوردى.

بۇل – اينۇر يسينانىڭ (سۋرەتتە) Today.kz سايتىنىڭ تىلشىسىنە بەرگەن سۇحباتىنىڭ ۇزىن-ىرعاسى. ءبىز قىسقارتىپ بەرىپ وتىرمىز. سۇلۋلار بايقاۋىنان كەزىندە جۇلدە العان اينۇر حانىم تىلشىمەن سۇحباتىندا الىبيگە ەشكىم الىمجەتتىك جاساعان جوق دەپ باعادى. اينۇر قازىر قاراعاندىلىق كاسىپكەر قايرات جاماليەۆپەن 7 جىلدان بەرى زاڭدى نەكەدە ەكەن. الداعى تاياۋ كۇندەردىڭ بىرىندە 26 جاسقا تولماق. قاماۋداعى قايراتقا بارىپ جۇرگەن ونىڭ بۇرىنعى ايەلى، ياعني قايراتتان تۋعان بالالاردىڭ اناسى دەيدى. اينۇردىڭ ءوزى دە قايراتتان ءبىر بالا ءسۇيىپتى. بالاسى قازىر – 7 جاستا. "قايرات وتە جاقسى ادام. جەتىمدەر ۇيىنە جاعداي جاساپ، قارىپ-قاسىرلەرگە كومەكتەسىپ تۇرادى. الىبيمەن بالەندەي جاقىندىعىم جوق. جاس جىگىتتىڭ وينداعىسىن بىلىمەپپىن. بىلگەنىمدە ماڭىما جۋىتپاس ەدىم، ول ماعان «جەتىممىن» دەدى، ءالىبي ەمەس، ء«الحانمىن» دەپ تانىستى، كەيىن «كىسى ولتىرگەنمىن» دەيتىن سوزدەر ايتىپ قورقىتتى، «سەنىڭ كۇيەۋىڭ ميلليونەر، ول جۇرگىش ەركەك» دەپ باسىمدى اينالدىرا باستادى" دەگەندى ايتا كەلىپ: ء«الىبي قايراتتان اقشا الماقشى بولدى. پالەگە ءوزى ۇرىندى»، - دەيدى. 

Abai.kz