كەشە الەۋمەتتىك جەلىلەردە ءالىبي ەسىمدى جىگىتتىڭ سوققىعا جىعىلىپ، ازاپ كورگەنى تۋرالى ءسوز شىعىپ،  تاراپ كەتتى. عالامتوردى 24 جاستاعى ءالىبيدىڭ ەكى سۋرەتى قاتار شارلاپ ءجۇر (سۋرەتتەردى قاراڭىز). سونداي-اق جاس ءالىبيدى ادامي كەلبەتىنەن ايىرعان قايرات جاماليەۆ پەن ونىڭ وققاعارى جانە وسى سۇمدىققا سەبەپ بولعان اينۇر ەسىمدى ايەلدىڭ دە بەينەسى بەرىلگەن.

ەل ءىشى ءبىلىپ، قۇلاعدار بولىپ وتىرعان جايتتى باسىنان ءتۇسىپ بايانداۋدىڭ قاجەتى شامالى شىعار. سوندىقتان، كوزىمىز شالعان الەمجەلىدەگى پىكىرلەرگە بىرگە شولۋ جاسايىق:   

ايگۇل ورىنبەك:

-  قايرات دەگەن بيزنەسمەننىڭ اشىناسى ءəرى ءبىر بالانىڭ اناسى، مىنا شالدى تاستاپ، جاس ءƏلىبي دەگەن جىگىتتىڭ باسىن قاتىرىپ جۇرەدى. اينۇر ميسس ەكى جاقتىڭ دا باسىن قاتىرىپ جۇرگەن. ءالىبيدىڭ اينۇرعا كەلىپ جۇرگەنى باقىلاۋ كامەراسىنا جازىلىپ قالعان. اينۇردىڭ ءجۇرىسىن ءبىلىپ قويعان قايرات Əلىبيگە زۆونداپ، اينۇردىڭ ۇيىنە شاقىرادى. ءƏلىبي بارادى. ءالىبي بارعان كەزدە ۇيدە قايرات، جۇرگىزۋشىسى توليك، قورعاۋشىسى ارمان بولادى. ولار ءƏلىبيدى əبدەن ۇرىپ، ادام ولتىرگەنمىن دەپ ايتقىزىپ، ۆيدەوعا ءتۇسىرىپ الادى. ءƏلىبيدى ۇتىكپەن كۇيدىرىپ، قۇلاعىن كەسىپ، ەرنىن ءتىلىپ، قۇلاعىن ەستىرپەي تاستاعان. «ەگەر دە بىرەۋ-مىرەۋگە ايتساڭ، وتباسىڭدى قىرامىز» دەگەن. سوسىن ءƏليبيدى كوشەگە لاقتىرىپ كەتكەن. وسى كۇندەرى جۇماعاليەۆتەردىڭ وتباسىنا قاۋىپ ءتونىپ تۇر. ويتكەنى، ولاردى ءəلى دە قورقىتۋ، ۇركىتۋ بولىپ جاتقان كورىنەدى. ءبىر سۇمدىعى، اينۇر سۇلۋ اقشاعا ساتىلعاندىقتان با، əلدە قورىققاننان بولار، Əلىبيگە قارسى شاعىم جازىپ وتىر. زاڭدى ساتىپ الۋعا بولاتىن شىعار، بىراق، بالانى جاسىڭ كەلگەندە قايدان ساتىپ الاسىڭ!

قىلمىسكەرلەر جازاسىن السىن. مەن قر ازاماتى رەتىندە قايرات جاماليەۆ پەن ونىڭ سىبايلاستارىنىڭ زاڭدى جازاسىن الۋى كەرەك ەكەندىگىن قر پرەزيدەنتى ن.Ə.نازارباەۆتان سۇرايمىن!

المابەك اقتايلاقۇلى:

- كۇدىكتى ويلار مەن كۇماندى ءجايتتاردىڭ تۋىنداۋىنا وراي ءالىبي جۇماعۇلوۆتى ازاپتى سوققىعا جىققان قايرات جاماليەۆتىڭ قولداۋشىلارى، سىبايلاستارى، دوس-جاران، جولداس-جورالارى كىمدەر ەكەنىن، ءتىپتى تۋىس-تۋعان، شىققان تەگىنە دەيىن انىقتايىق.

زاڭ بويىنشا قانداي دا ءبىر كۇدىك سوتتالۋشىنىڭ پايداسىنا شەشىلەدى. تەرگەۋ مەن سوتتاۋ ىسىندە ونىڭ مۇددەسىن كوزدەيدى دەگەن كۇماندى سەيىلتۋ ءۇشىن وعان ىقپال ەتۋى مۇمكىن تۇلعالاردى اشىق انىقتاپ، قوعامعا جاريالاۋدىڭ وعاشتىعى جوق. بىردەن جۇمىلدىق پا ، سوڭىنا جەتكىزەيىك.

ۇلىقبەك ەسداۋلەت. زاڭى ءالسىز ەلدىڭ قىلمىسكەرى مىقتى بولادى

- مۇنداي جاۋىزدار قوعامدى جاۋىزعا اينالدىرادى. سوندىقتان قيناۋ كورگەن بالانىڭ اكەسىنىڭ دە، وسى پوستتى جازعان ايگۇل ورىنبەكتىڭ دە، باسقا قالىڭ جۇرتشىلىقتىڭ دا بۇل جان-ايقايى جەردە قالماۋى كەرەك!

ءمادينا ماحامبەتقىزى:

- قارشاداي بالانى قانعا بوكتىرگەن قانىشەرلەر قاتاڭ جازالانسىن! قىزدارىڭا، كۇيەۋلەرىڭە يە بولىڭدار، ادامدار! ەسىمدى جيا الار ەمەسپىن! سىرتتاي باقىلاپ وتىرىپ ءبىزدىڭ جۇرەگىمىز قارس ايىرىلدى، جانىمىز اۋىرىپ! اتا-اناسى، اعايىندارىنىڭ حال-احۋالىن ايتپاساق تا تۇسىنىكتى! ارام شوپتەردىڭ تامىرى تەرەڭدەگەن زاماندا اقيقاتتىڭ ءوزىن اقتاۋ قيىن... قىز دا جازاسىز قالماسىن! قىز ەمەس ول - شايتان! اللا جازاڭدى بەرسىن! اناڭنىڭ قۇرساعىن شىرىتكەن قۇرت!!!!

اقبەرەن ەلگەزەك:

- مىنە، اعايىن، اللانىڭ جازاسى قانداي بولاتىنىن كوردىڭىز! قانشا جىل شالقاقتادى، قانشا ادامنىڭ جولىن كەسكەن شىعار، تويىندى، ماستاندى، ءوزىن ەشقاشان جەڭىلگەننىڭ، مىسكىن، بەيشارانىڭ ورنىنا تۇسەم دەپ ويلاماعان بولار. انىعى قۇدايعا ايان. تابالاپ وتىرعان جوقپىز. اللا وسىنداي ابىرويسىزدىقتان ساقتاسىن! بۇل وقيعا بارىمىزگە ەس جيعىزاتىن ساباق بولسىن. ءومىر ماڭگى ەمەس، جاقىنىنا مەيىربان بول، ادامنىڭ الا ءجىبىن اتتاما، ەشكىمگە قيانات جاساما، جاراتقاننان كومەك، پانا تىلە، جۇرەگىڭ سوندا تىنىش بولماق. مىنا كىسىنىڭ جاعدايى نە بولدى، ال؟ كۇللى قازاقتىڭ قارعىسىنا، انتيپاتياسىنا ۇرىندى. ەل بولۋىمىزدىڭ كوپ شارتتارىنىڭ ءبىرى - ءبىز بۇل كيەلى مەكەندە العاشقىسى دا، سوڭعىسى دا ەمەس ەكەنىمىزدى ۇمىتپاۋ، ۇرپاقتى ويلاۋ، قۇتىرىپ، جەردىڭ بايلىعىن شاشپاۋ. ەلدى سۇيمەگەن، ونىڭ بولاشاعىنا الاڭ بولماي، وسىلاي ەگويست بوپ ءومىر سۇرسەڭ، ونىمەن قويماي وسىنداي قيتۇرقى دۇنيەلەر جاساساڭ، زاۋال كەشىكپەي كەلەدى. اپريوري.

عالىم بوقاش:

- زينھار، ءبىر نارسەگە قايرانمىن، "قىزى ءۇشىن زارداپ شەككەن جاس جىگىتتى ساقا باسەكەلەسىنىڭ ايۋاندىقپەن ازاپتاۋ ارەكەتى" تۋرالى حابارعا سونشاما زىعىردانى قايناي شۋلاعان ادىلەت ىزدەۋشى جۇرت "باسىنا تسەللوفان پاكەت كيگىزىپ تۇنشىقتىرىپ، شاشىنان تارتىپ كامەرا توبەسىنە ءىلىپ قويعان جاڭاوزەن تولقۋىنا قاتىسۋشىلاردى ازاپتاپ تەرگەۋ" تۋرالى مالىمەت شىققاندا نەگە وسىنشاما دۇرلىكپەدى؟

ءبىرىنشى جايتتان ەكىنشىسى ماڭىزدى دەپ وتىرعام جوق، قايسى جاعدايداعى بولسىن ازاپتاۋ ارەكەتى ايىپتاۋعا تۇرارلىق. تەك اۋديتوريانىڭ قۇبىلمالى رەاكتسيا تانىتۋ سەبەبىن عانا بىلگىم كەلەدى.

ارمان سقابىلۇلى: قۇلاعىمدى شۇنتيتىپ جۇرەر مە ەكەن؟

ءبىر وليگارحتىڭ ۇلىنىڭ "قازاقفيلمگە" جاساپ جاتقان وكتەمدىگi, ۇلتتىق كينوعا قياناتى جايلى ازىرلەپ جاتقان ماقالاما بايلانىستى ەسەتجان كوسۋباەۆ دەگەن كەڭەسشى "ارمانۋ - نە سوۆەتۋيۋ!" دەپ سالەم ايتىپتى. "سوۆەتىن" تىڭداماسام، نە ىستەر ەكەن بۇلار؟ انا بيشارا بالا قۇساتىپ، قۇلاعىمدى شۇنتيتىپ كەسىپ تاستاۋدان تايىنبايدى-اۋ! نە بولىپ كەتتىك؟ شىرىگەن بايلار ويلارىنا كەلگەنىن ىستەيتىن بولدى. وزدەرى ەشتەڭەدەن قورىقپايدى. ءمينيستردىڭ ءوزى ولاردىڭ الدارىندا قۇرداي جورعالايدى. زاڭ دا كوبىنەسە سولاردىڭ جاعىندا. ءبىر سوزبەن ايتقاندا قالتالىنىڭ "قۇدايىن ۇمىتقان" زامانى كەلدى. قوي، قۇلاق اماندا وسىمەن دوعارا تۇرايىن. قالعانىن سايلاۋدان كەيىن ايتامىن...

P.S. ءالىبيدىڭ اكەسى نۇرلان جۇماعۇلوۆتىڭ فەيسبۋكتەگى جەكە پاراقشاسىن بەلگىسىز كۇشتەر  ءوشىرىپ تاستاعاندىقتان ول ءوزىنىڭ جاڭا پاراقشاسى اشىپ وتىر. مىنا سىلتەمەگە قاراڭىز: https://www.facebook.com/realnurlanzhumagulov

Abai.kz