بۇگىن  رەسپۋبليكالىق "بولاشاق" جاستار قوزعالىسى ۇيىمداستىرعان ء"ىى دۇنيەجۇزىلىك سوعىسقا قايتا باعا بەرەتىن كەز كەلدى" دەگەن دوڭگەلەك ۇستەلدە رەسەي ەلشىلىگىنىڭ ارەكەتىن سىن تەزىنە الدىم... "لەنتا تاراتقىش" ەلشىلىك قازاقستاندا وتىرىپ-اق وتانداستارىمىزعا رەسەي ازاماتتىعىن بەرىپ جاتىر. قۇداي بەتىن ارى قىلسىن، بۇلاي جالعاسا بەرسە، قىرىم ستسەناريى باس قالامىز الماتىدا قايتالانۋى مۇمكىن. سوندىقتان، ەكىنشى دۇنيەجۇزىلىك سوعىسقا، ورىسقۇلدار مەن ورىسشىلدار تۇمسىعىن سۇعاتىن كەز كەلگەن سالاعا قازاقى كوزقاراسپەن قاراۋىمىز قاجەت.

قازاقستاندا بيپاتريدتەردىڭ كوبەيۋىنە رەسەي تاراپى «قوماقتى» ۇلەس قوسىپ جاتىر. عالامتور بەتتەرىن اشساڭىز، «قازاقستان ازاماتى رەسەي ازاماتتىعىن قالاي الادى؟» دەگەن سەكىلدى تالقىلاۋلاردان اياق الىپ ءجۇرۋ مۇمكىن ەمەس. ەڭ سوراقىسى سول، زاڭدىق تۇرعىدا قازاقستان شەكاراسىنان شىقپاي-اق، رەسەي ازاماتتىعىن الۋعا بولادى ەكەن. ونى رەسەيدىڭ قازاقستانداعى ەلشىلىگى جۇزەگە اسىرادى. جارناماسىنا قاراساڭىز، جاعاڭىزدى ۇستايسىز. وندا ازاماتتىقتىڭ قۇجاتتارىن رەسەيدەن گورى، قازاقستاندا راسىمدەۋ جىلدام، ءارى ءتيىمدى ەكەنى جازىلعان. تالاپتارى دا قىزىق... ەگەر دە ءسىزدىڭ اكەڭىز نەمەسە شەشەڭىز رەسەي ازاماتى بولسا، 2002 جىلدىڭ 1 شىلدەسىنەن كەيىن رەسەيدەگى ارناۋلى نەمەسە جوو-دا وقىساڭىز، كەزىندە كسرو ازاماتى بولىپ، قازىر ەشبىر ەلدىڭ ازاماتتىعىن الماعان بولساڭىز، رەسەيدىڭ ەلشىلىگىنە باراسىز دا، قىزىل تولقۇجاتتى جان قالتاڭىزعا باسىپ شىعاسىز.

بۇل نەنى بىلدىرەدى؟ بۇل – ەلىمىزدەگى كەز كەلگەن ادام رەسەي مەملەكەتىنىڭ ازاماتى بولا الادى دەگەن ءسوز. ولار رەسەي ازاماتتىعىن العاننان كەيىن كوشىپ كەتە مە؟ سۇراققا ناقتى جاۋاپ بەرۋ قيىن. ا، ايتپاقشى ورىس تىلىنەن سىناق تاپسىرۋعا مىندەتتىسىز. ول سىناقتىڭ ءوزىن قازاقستانداعى «زنانيە» قوعامدىق قورى وكىلدەرى قابىلدايدى.

قانات ابىلقايىر

(جازبا اۆتوردىڭ فەيسبۋكتاعى پاراقشاسىنان الىندى).