بۇگىن استانادا «تۇرعىنۇيقۇرىلىسجيناقبانكى» اكتسيونەرلىك قوعامى استانا فيليالىنىڭ ورتالىعىندا اشىق ەسىك كۇنى ءوتتى. ايتا كەتەرلىگى، بۇل شارا ءداستۇرلى تۇردە جىل سايىن وتكىزىلىپ كەلەدى.

اشىق ەسىك كۇنى اياسىندا قىزمەتكەرلەر تۇرعىندارعا بانكتىڭ جاڭا قىزمەت فۋنكتسيالارىن تانىستىرىپ، كليەنتتەرگە كورسەتىلەتىن ىڭعايلى قىزمەت تۇرلەرى بويىنشا كەڭەس بەردى. ءىس-شاراعا بانكتىڭ سالىمشىلارى، ءار ۋاقىتتا «تۇرعىنۇيقۇرىلىسجيناقبانكىنە» سەنىم ءبىلدىرىپ، تۇراقتى كليەنتى بولىپ كەلە جاتقان تۇرعىندار قۇرمەتتى قوناق رەتىندە شاقىرىلدى. اشىق ەسىك كۇنى فيليال قىزمەتكەرلى ۇيىمداستىرعان تاماشا فلەشموبپەن باستالىپ، اراسىندا كونتسەرتتىك نومىرلەرمەن ارلەنىپ وتىردى.

جيىندا ءسوز العان بانكتىڭ استانا قالالىق فيليالىنىڭ ديرەكتورى مەدەۋوۆا ايجان تۇراقبايقىزى اشىق ەسىك كۇنىنە قاتىسۋشىلاردى شىن جۇرەكتەن قۇتتىقتادى. «تۇرعىنۇيقۇرىلىسجيناقبانكى» قازاقستانداعى باسپانا الۋعا ارنالعان ەڭ جۇيەلى، قولجەتىمدى جۇيە. بۇگىنگى كۇنى بىزگە سەنىم ءبىلدىرىپ، باسپانا الۋعا نيەت تانىتقان كليەنتتەرىمىزدىڭ قاتارى كوپ. بۇگىنگى شارادا بىزبەن ءاردايىم بىرلەسە جۇمىس اتقارىپ كەلە جاتقان سەرىكتەستەرىمىز بەن كليەنتتەرىمىزدى كورگەنىمىزگە قۋانىشتىمىز» دەدى ول.

اشىق ەسىك كۇنى اياسىندا ۇزدىك تاڭداۋلى دەپوزيت سالىمشىلارى گراموتالارمەن، باعالى سىيلىقتارمەن ماراپاتتالدى. سولاردىڭ قاتارىندا ەلىمىزگە بەلگىلى تەلەجۇرگىزۋشى، جۋرناليست دينارا ءساتجان دا بار. «بۇگىنگى شاراعا شاقىرىلعانىما وتە قۋانىشتىمىن. بانكتىڭ ءتيىمدى قىزمەتتەرى مەن جەڭىلدىكتەرى تۋرالى كوپ ەستىدىم. قازىر ءوزىم دە وسى «تۇرعىنۇيقۇرىلىسجيناقبانكىنىڭ» كليەنتىمىن، دەپوزيت اشقانمىن. ءاربىر ادام جايلى باسپاناعا قالتاسىنا ءتيىمدى، ىڭعايلى باعادا قول جەتكىزۋدى ارماندايدى، وسىنداي ارمانداردىڭ ورىندالۋىنا قول ۇشىن بەرىپ، حالىقتىڭ باسپاناعا دەگەن قاجەتتىلىگىن ۇتىمدى جولمەن قامتاماسىز ەتىپ وتىرعان بانككە راحمەت ايتامىز. بانككە از مولشەردەگى الدىن-الا تولەم قاراجاتىن سالىپ، پاتەر الۋعا جەتەتىن ارزان نەسيە الۋعا بولادى. مەن وسىنى پايدالانىپ، الداعى ۋاقىتتا بانك سەرىكتەستەرىنىڭ ءبىرى «BI Group» كومپانياسىنىڭ ۇيلەرىنەن پاتەر الامىن» دەدى د.ءساتجان.

بۇگىنگى كۇنى بانكتىڭ استانا قالالىق فيلالىنىڭ ورتالىق كەڭسەسىندە ءار جەتىنشى كەلىسىم-شارت، ءار بەسىنشى زايم جاسالادى ەكەن. حالىقتىڭ سەنىمى مەن قۇرمەتىنە بولەنىپ كەلە جاتقان «تۇرعىنۇيققۇرىلىسجيناق» بانكىنىڭ الداعى جوسپارلارى كوپ. ەلىمىزدىڭ بانك جۇيەسى سالاسىندا تۇراقتى وركەندەپ، نارىق زاڭدارى مەن تۇرعىنداردىڭ تالابىنا ساي ۇتىمدى قىزمەت اتقارىپ وتىرعان بانكتىڭ، بولاشاقتا دا قازاقستان حالقىن قۋانتا بەرەتىنىنە سەنەمىز.

جەبە نويان

Abai.kz