Ranking.kz ساراپشىلارىنىڭ مالىمەتىنە قاراعاندا، جۇمىس ىستەپ تۇرعان كرەديتتەرىنىڭ سانى جاعىنان قتقجب ەكىنشى دەڭگەيلى بانكتەر اراسىندا جەتەكشى ورىنعا شىقتى. اتالعان كرەديتتەردىڭ كولەمى ءبىر ايدىڭ ىشىندە 15 ملرد تەڭگەدەن 237 ملرد تەڭگەگە كوبەيىپتى. Ranking.kz-ءتىڭ ەسەبىنشە، بۇل – ەكىنشى دەڭگەيلى بانكتەر اراسىنداعى ەڭ جوعارى كورسەتكىشتەردىڭ ءبىرى. (http://ranking.kz/infopovody/abotajuschij_portfel_zajmov_bvu_rk_prevyshaet_10_trillionov_tenge_za_god_obem_chistyh_kreditov_bez_ucheta_kreditov_s_prosrochennoj_zadolzhennostju_uvelichilsja_na_16_na_136_trillionov_tenge?mcode=banks&infotypecode=infopovody).

ال بانكتىڭ ايتۋىنشا، بىلتىرعى جىلمەن سالىستىرعاندا قىزمەت كورسەتۋ ورتالىقتارىنا كەلگەن كليەنتتەردىڭ سانى ءۇش ەسە ارتقان. ماسەلەن، 2012 ج. 1 توقسانىندا 36 644 ملن. تەڭگەدەن اسا 5 400 زاەم بەرىلىپ، 52 مىڭ تۇرعىن ءۇي قۇرىلىس جيناق شارتى جاسالعان.

قتقجب ماماندارىنىڭ سوزىنە قاراعاندا، بانك زاەمدارىنىڭ حالىققا جاعىمدىلىعى – كرەديتتەردىڭ تەك قانا تەڭگەدە بەرىلەتىندىگىندە.

كليەنتتەر كەلۋشىلەردىڭ لەگىنەن ءبىرشاما قولايسىزدىق سەزىنۋى مۇمكىن. مۇنى بولدىرماۋ ءۇشىن، قتقجب الىستان قىزمەت كورسەتۋ امالدارىن قاراستىرىپ  جاتىر: تولەم تەرمينالدارىنىڭ جەلىسى كەڭەيتىلىپ، egov.kz ەلەكتروندى ۇكىمەت سايتى ارقىلى تولەم جۇيەسى جەتىلدىرىلۋدە.

«قولجەتىمدى تۇرعىن ءۇي–2020» باعدارلاماسىمەن پۋلدارعا قاتىسۋشىلاردان، سونداي-اق ەكىنشى نارىقتان جىلجىمايتىن مۇلىك ساتىپ الاتىن كليەنتتەردەن بولەك، الماتى قالاسىنداعى فيليال 2014-2015 جىلدارعا ارنالعان «قالالىق يپوتەكالىق تۇرعىن ءۇي قۇرىلىسى» باعدارلاماسىنا قاتىسۋشىلارعا دا قىزمەت كورسەتەدى. «سامۇرىق-قازىنا» ۇاق كليەنتتەرى ءۇشىن جالداۋ تولەمدەرىن ەسەپتەيدى. بۇل باعدارلامانى كەيدە قالالىق باعدارلاما دەپ تە اتايدى. ەلباسىنىڭ «نۇرلى جول» جاڭا ەكونوميكالىق ساياساتىن جاريا ەتكەنى وزدەرىڭىزگە ءمالىم. سونىڭ اياسىنداعى تۇرعىن ءۇي باعدارلاماسىنىڭ ماڭىزى اسا زور. مۇنى ەسكەرە وتىرىپ، قتقجب فيليالدارىندا تەك قانا مەملەكەتتىك باعدارلامالارعا قاتىسۋشىلارعا قىزمەت كورسەتەتىن ارنايى كەڭەسشىلەر ءبولىندى.

- قازىر «قولجەتىمدى تۇرعىن ءۇي–2020» باعدارلاماسىمەن سالىنعان پاتەرلەردى وتكىزۋگە بايلانىستى حالىق لەگى تولاستار ەمەس. ءبىزدىڭ كليەنتتەرىمىز الەۋمەتتىك تۇرعىن ۇيلەردى ساتىپ الۋ ءۇشىن عانا زاەم الىپ وتىرعان جوق. سونىمەن بىرگە، ەكىنشى نارىقتان دا پاتەر الۋدا، – دەپ ءتۇسىندىردى «قازاقستاننىڭ تۇرعىن ءۇي قۇرىلىس جيناق بانكى» اق الماتى قالالىق فيليالىنىڭ ديرەكتورى راحيليا بالتاباەۆا.

- جالپى العاندا، ءبىزدىڭ ونىمدەرىمىزگە دەگەن سۇرانىس كۇرت ءوستى. ويتكەنى، ەكىنشى دەڭگەيلى بانكتەردىڭ كوبى تەڭگەمەن يپوتەكا بەرۋدى توقتاتىپ قويدى، – دەيدى بالتاباەۆا.

قتقجب وكىلدەرىنىڭ ايتۋىنشا، مامىر ايىندا الماتىدا «جاس وتباسىعا ارنالعان تۇرعىن ءۇي» باعىتى بويىنشا پۋل قۇرىلادى. بۇل – كەلۋشىلەر لەگى بۇدان دا ۇدەي تۇسەدى دەگەن ءسوز. «كليەنتتەردىڭ كوپ ۋاقىت كەزەك كۇتىپ قالماسى ءۇشىن، قازىردىڭ وزىندە قوسىمشا جۇمىستار باستالىپ كەتتى»، – دەيدى الماتى قالالىق فيليالىنىڭ قىزمەتكەرلەرى. 

Abai.kz