2015 جىلعى 23 ساۋىردە استانا قالاسىنداعى بەيبىتشىلىك جانە كەلىسىم سارايىندا قازاقستان رەسپۋبليكاسىنىڭ پرەزيدەنتى، قازاقستان حالقى اسسامبلەياسىنىڭ توراعاسى نۇرسۇلتان ءابىشۇلى نازارباەۆتىڭ توراعالىعىمەن «ماڭگىلىك ەل: ءبىر ەل – ءبىر تاعدىر» تاقىرىبىمەن قازاقستان حالقى اسسامبلەياسىنىڭ XXII سەسسياسى وتكىزىلەدى.

اسسامبلەيانىڭ 20 جىلدىعىنا وراي وتەتىن XXII سەسسياعا 1 500 استام ادام قاتىسادى.

ولاردىڭ قاتارىندا اسسامبلەيا مۇشەلەرى مەن ارداگەرلەرى، رەسپۋبليكالىق جانە وڭىرلىك ەتنومادەني بىرلەستىكتەردىڭ جەتەكشىلەرى، پارلامەنت دەپۋتاتتارى، ورتالىق اتقارۋ ورگاندارىنىڭ، ساياسي پارتيالاردىڭ، ءدىني بىرلەستىكتەردىڭ، ۇەۇ باسشىلارى، جوو-لار رەكتورلارى، شەتەلدەردەگى ديپلوماتيالىق ميسسيالار، عىلىمي، شىعارماشىلىق زيالى قاۋىم جانە باق وكىلدەرى بار.

سەسسيانىڭ سوڭىندا سالتاناتتى كونتسەرت ۇيىمداستىرىلادى.

قحا-نىڭ ءححىى سەسسياسىنىڭ وتىرىسى قارساڭىندا، 2015 جىلعى 22 ساۋىردە قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆانىڭ قاتىسۋىمەن قحا جۇمىسىنىڭ بىرقاتار وزەكتى ماسەلەلەرى تالقىلاناتىن اسسامبلەيا كەڭەسىنىڭ كەڭەيتىلگەن ءماجىلىسى وتكىزىلەدى.

سونىمەن قاتار، XXII سەسسيا قارساڭىندا «قحا – 20 ىزگى ءىس» جانە «مەنىڭ قازاقستانىم» پويىزى» رەسپۋبليكالىق اكتسيالارىنىڭ قورىتىندىلارى شىعارىلادى.

وڭىرلەردەن كەلەتىن دەلەگات-قاتىسۋشىلارعا ارنالعان ءىس-شارالار اياسىندا ورتالىق مەملەكەتتىك ورگاندار باسشىلارىمەن، قر پارلامەنتى ءماجىلىسىنىڭ دەپۋتاتتارىمەن كەزدەسۋلەر، استانا قالاسىنىڭ كورىكتى جەرلەرىنە ەكسكۋرسيالار ۇيىمداستىرىلادى.

* * *

قحا-نىڭ XXII سەسسياسى اسسامبلەيانىڭ 20 جىلدىعى مەرەكەلەنەتىن جىلى وتكىزىلەدى.

مەملەكەت باسشىسىنىڭ جارلىعىمەن 2015 جىل قحا جىلى بولىپ جاريالاندى. قازاقستان حالقى اسسامبلەياسىنىڭ جىلىن جانە كونستيتۋتسيانىڭ 20 جىلدىعىن ۇيىمداستىرۋ مەن وتكىزۋ بويىنشا ۇكىمەت قاۋلىسىمەن ۇلتتىق ءىس-شارالار جوسپارى بەكىتىلدى.

1995 جىلعى 1 ناۋرىزدا جاڭا ينستيتۋت - قازاقستان حالقى اسسامبلەياسىن قۇرۋ تۋرالى قازاقستان رەسپۋبليكاسى پرەزيدەنتىنىڭ جارلىعىنا قول قويىلدى.

وسى تاريحي كۇن تاۋەلسىز ەگەمەن قازاقستان قۇرۋدا، قازىرگى زامانعا لايىق مەملەكەت ءتۇزۋ جولىندا، ىرگەلى الەۋمەتتىك-ەكونوميكالىق وزگەرىستەردى، بەيبىتشىلىك پەن بىرلىك يدەياسىن جۇزەگە اسىرۋدا جانە قازاقستان حالقىنىڭ قوعامدىق كەلىسىمىن ساقتاۋدا تۇبەگەيلى بەتبۇرىس بولدى.  

2007 جىلى اسسامبلەيا كونستيتۋتسيالىق ورگانعا اينالىپ, پارلامەنتتىك وكىلدىك كەپىلدىگىن – قر پارلامەنتى ماجىلىسىنە 9 دەپۋتات سايلاۋ قۇقىعىن يەلەندى.

2008 جىلعى 20 قازاندا قابىلدانعان «قازاقستان حالقى اسسامبلەياسى تۋرالى» زاڭ اسسامبلەيا جۇمىسى مەن قۇرىلىمىن نورماتيۆتىك-قۇقىقتىق رەتتەۋدى، ەلدىڭ قوعامدىق-ساياسي جۇيەسىندەگى ونىڭ ورنى مەن ءرولىن ايشىقتاپ، كونستيتۋتسيالىق پارلامەنتتىك وكىلدىكتى زاڭنامالىق قامتاماسىز ەتتى.

اسسامبلەيانىڭ نەگىزگى ستراتەگيالىق قۇجاتتارى - «قازاقستاننىڭ ەل بىرلىگى دوكتريناسى»، «قازاقستان حالقى اسسامبلەياسىنىڭ (2020 جىلعا دەيىنگى) دامۋ تۇجىرىمداماسى» قابىلداندى. 

20 جىل ىشىندە اسسامبلەيا ن.ءا.نازارباەۆتىڭ ەتنوسارالىق تولەرانتتىلىق پەن قوعامدىق كەلىسىمنىڭ قازاقستاندىق ۇلگىسىن قالىپتاستىرۋدا بەدەلدى بۋىنعا اينالدى.

ءۇ.ج. قحا-نىڭ ايشىقتى ءىس-شارالارى وتكىزىلدى. 2015 جىلعى 6 اقپاندا استانا قالاسىندا، وبلىس جانە اۋدان ورتالىقتارىندا قازاقستان حالقى اسسامبلەياسى جىلى رەسمي سالتاناتتى اشىلدى. سالتاناتتى اشىلۋ ءراسىمى بارىسىندا 9 رەسپۋبليكالىق كونكۋرس جاريالاندى، قحا جىلىنىڭ تۋى كوتەرىلدى. رەسپۋبليكانىڭ 2 800 ەلدى مەكەنىندە بارلىعى 1 ملن. 375 مىڭ ادام قاتىسقان 4 120 ءىس-شارا ءوتتى.

2015 جىلعى 28 اقپاندا قازاقستان حالقى اسسامبلەياسىن قۇرۋ تۋرالى قر پرەزيدەنتىنىڭ جارلىعىنا قول قويىلعانىنا 20 جىل تولۋىنا ارنالعان «مەنىڭ قازاقستانىم» اتتى قازاقستان حالقىنىڭ فورۋمى وتكىزىلدى.

فورۋم اياسىندا «بەيبىتشىلىك پەن كەلىسىمنىڭ جول كارتاسى» مەگا-جوباسىنىڭ قورىتىندىسى شىعارىلدى، وڭىرلەردەن كەلگەن دەلەگاتتار جاستاردىڭ رەسپۋبليكالىق «قامقور» پاتريوتتىق جوباسى جانە «تاريح تاعىلىمى» اتتى قازاقستاندىق كينو كۇندەرىن جاريالادى.

قحا-نىڭ 20 جىلدىق مەرەيتويىنا ارنالعان اۋقىمدى ءىس-شارالار ەلىمىزدىڭ بارلىق وڭىرلەرىندە وتكىزىلدى.

2014 جىلعى 1 ناۋرىزدان باستاپ «بەيبىتشىلىك پەن كەلىسىمنىڭ جول كارتاسى» مەگا-جوباسىنىڭ اياسىندا رەسپۋبليكا بويىنشا 1464 ەلدى مەكەندە 830 مىڭ ادامنىڭ قاتىسۋىمەن الەۋمەتتىك باعىتتاعى 2700 ءىس-شارالار وتكىزىلدى. تۇرعىنداردىڭ الەۋمەتتىك از قامتىلعان بولىگىنە جاتاتىن 33 مىڭ ادامعا ازىق-تۇلىك قورجىنى، تۇرمىستىق تەحنيكا، مەديتسينالىق جابدىقتار، ءدارى-دارمەكتەر، كيىم-كەشەكتەر جانە ت.ب. ماتەريالدىق قولداۋ كورسەتىلدى.

ەلىمىزدە اقپان-ءساۋىر ايلارىندا «قحا – 20 ىزگى ءىس» اتتى رەسپۋبليكالىق اكتسيا وتكىزىلۋدە. اكتسيانىڭ نىشانى  - قاسيەتتى تۇركىستان قالاسىنان جەتكىزىلگەن، حالىقتىڭ بىرلىگى مەن بەرەكەسىن بەينەلەيتىن «تايقازان».

«تايقازان» وڭىردەن وڭىرگە «قايىرىمدىلىق ىستەرگە تولتىرىلىپ»، قحا-نىڭ ءححىى سەسسياسى قارساڭىندا استاناعا جول تارتادى. اكتسيا اياسىندا تۇرعىنداردىڭ الەۋمەتتىك از قامتىلعان بولىگىنە، سوعىس جانە تىل ارداگەرلەرىنە، بالالار ۇيلەرى مەن ينتەرناتتاردىڭ تاربيەلەنۋشىلەرىنە اتاۋلى كومەكتەر كورسەتىلەدى.

2015 جىلعى 23 ناۋرىزدان باستاپ، «مەنىڭ قازاقستانىم» پويىزى» اتتى الەۋمەتتىك اكتسيا باستالدى. اكتسيانىڭ ماقساتى – مەملەكەت باسشىسىنىڭ «ماڭگىلىك ەل» جالپىۇلتتىق يدەياسىنىڭ، جولداۋلارىنىڭ نەگىزگى تاراۋلارىن حالىققا ءتۇسىندىرۋ، تۇرعىندارعا مەديتسينالىق، الەۋمەتتىك، قۇقىقتىق قىزمەت كورسەتۋ، كاسىپكەرلىكتى قولداۋ، اۋىل شارۋاشىلىعىن دامىتۋ تۋرالى كەڭەستەر بەرۋ، مادەني جانە قوعامدىق، ت.ب. ءىس-شارالار وتكىزۋ.

«مەنىڭ قازاقستانىم» پويىزى 30 كۇن ىشىندە ەلىمىزدىڭ بارلىق وڭىرىندەگى 29 ەلدى مەكەندى ارالاپ, 22 ساۋىردە استانا قالاسىنا قايتا ورالادى.

پويىز جۇمىسىندا بارلىق الەۋمەتتىك توپتار قامتىلادى، تۇرعىنداردىڭ الەۋمەتتىك از قامتىلعان بولىگىنە، ۇوس ارداگەرلەرىنە، ەلىمىزدىڭ الىس ايماقتارىندا ورنالاسقان ەلدى مەكەندەر تۇرعىندارىنا ەرەكشە نازار اۋدارىلادى. اكتسيا اياسىندا جەكە مارشرۋتپەن الىس بەكەتتەر مەن ايالدامالار تۇرعىندارىنا مەديتسينالىق كومەك كورسەتەتىن «دەنساۋلىق پويىزدارى» - «سالاماتتى قازاقستان», «دەنساۋلىق» جانە «جاردەم» پويىزدارى جىبەرىلدى.

5-11 ءساۋىر ارالىعىندا شىمكەنت قالاسىندا قازاقستاننىڭ ەتنوستىق تەاترلارىنىڭ ءىىى رەسپۋبليكالىق فەستيۆالى وتكىزىلۋدە. فەستيۆال اياسىندا وتاندىق جانە قازىرگى زامان اۆتورلارىنىڭ شىعارمالارىنان ەتنوستىق تەاترلار ۇجىمدارىنىڭ ورىنداۋىندا قويىلىمدار ۇسىنىلادى.

فەستيۆالدىق سپەكتاكلدەردىڭ قويىلىمدارى 6-9 ءساۋىر ارالىعىندا كۇن سايىن ساع.11.00-دە جانە 19.00-دە كورەرمەندەر نازارىنا ۇسىنىلادى. بارلىق سپەكتاكلدەرگە كىرۋ تەگىن.

21 ناۋرىزدا استانا جانە الماتى قالالارىندا، وبلىستاردا ناۋرىز مەيرامىنا ارنالعان ء«بىر ەل – ءبىر تاعدىر» اتتى قحا فەستيۆالدەرى وتكىزىلدى.16 ناۋرىزدا جانە 27 ناۋرىزدا كوكشەتاۋ مەن تاراز قالالارىندا «ەلىمنىڭ تاعدىرى – مەنىڭ تاعدىرىم» اتتى رەسپۋبليكالىق فورۋم ءوتتى.

ناۋرىز جانە مامىر ايلارىندا قحا «اسار» اتتى الەۋمەتتىك ىنتىماق اكتسياسىن جانە ۇلى وتان سوعىسى ارداگەرلەرىنە قامقورلىق جاساۋ ايلىعىن وتكىزەدى.

قحا جىلى اياسىنداعى ءتۇرلى باعىتتاعى ءىس-شارالار 2015 جىل بويى جالعاسادى.

اسسامبلەيا جىلىنىڭ قورىتىندىسى 2015 جىلعى جەلتوقسان ايىندا قازاقستان حالقىنىڭ فورۋمىندا شىعارىلادى.

قحا جىلى – ناقتى ىستەر جىلى. ءبىرتۇتاس قازاقستان حالقىنىڭ تەڭدەسسىز جانە ەلەۋلى جەتىستىكتەرىن ايشىقتايتىن جىل. اسسامبلەيا جىلى – قازاق حاندىعى قۇرىلعانىنىڭ 550 جىلدىعى، كونستيتۋتسيانىڭ 20 جىلدىعى، ۇلى جەڭىستىڭ 70 جىلدىعى.

قازاقستان حالقىنىڭ بىرلىگى مەن ىنتىماقتاستىعى، بەيبىتشىلىك جىلى.

قازاقستان حالقى اسسامبلەياسىنىڭ جىلى – ن.ءا.نازارباەۆتىڭ ەتنوسارالىق تولەرانتتىلىق پەن قوعامدىق كەلىسىمنىڭ قازاقستاندىق ۇلگىسىنىڭ سالتانات قۇرۋ جىلى.

اباي-اقپارات