قاراعاندى. 1 قازان. قازتاگ - «ارسەلورميتتال تەمىرتاۋ» اق-نىڭ «اباي» شاحتاسىنىڭ اپاتتى ۋچاسكەسىن اشۋ مۇمكىن ەمەس. ۋكراينانىڭ تاۋ ونەركاسىبىندەگى جۇمىستىڭ قاۋىپسىزدىگى جونىندەگى ماكەەۆ مەملەكەتتىك عزي ديرەكتورىنىڭ عىلىمي جۇمىس جونىندەگى ءبىرىنشى ورىنباسارى پەتر پاشكوۆسكي جۇما كۇنى ءباسپاسوز ءماسليحاتىندا وسىنداي پىكىر ءبىلدىردى.

«قازىرگى ۋاقىتتا لاۆادا كومىردىڭ شوعى قالدى. ونداعى تەمپەراتۋرا تسەلسي بويىنشا 180 گرادۋس. از عانا اۋا كىرسە، ءورت باستالۋى مۇمكىن، ول جەردە مەتان بولسا، جارىلىس بولۋى دا ىقتيمال. اشىپ كورسەك، اۋا كىرەدى. قالىپتاسقان تاۋ-تەحنيكالىق جاعدايلاردى ەسكەرسەك، قازىرگى ۋاقىتتا اپاتتى ۋچاسكەنى اشۋ مۇمكىندىگى جوق»، - دەدى پ. پاشكوۆسكي. كومىردىڭ شوعى ءبىر جىل بويى سونبەۋى مۇمكىن، دەدى ول.

سونداي-اق، ۋكراينالىق ماماندار «اباي» شاحتاسىنداعى 32 ك10-س لاۆانىڭ اپاتتى ۋچاسكەسىن وقشاۋلاۋ تۋرالى شەشىمنىڭ دۇرىس ەكەنىن قۋاتتادى. ولاردىڭ ايتۋىنشا، بۇل اپاتتى وقشاۋلاپ، از شىعىندارمەن شاحتا قىزمەتىنىڭ قاۋىپسىزدىگىن قامتاماسىز ەتۋگە مۇمكىندىك بەردى.

ماكەەۆ عزي-ءسىنىڭ ساراپشىلار كوميسسياسى 28 – 30قىرقۇيەكتە ءىس ماتەريالدارىمەن تانىستى. ۋكراينالىق مامانداردى قاراعاندى وبلىسىنىڭ پروكۋراتۋراسى «اباي» شاحتاسىنداعى جارىلىسقا قاتىستى قىلمىستىق ءىس بويىنشا تاۋەلسىز ساراپشىلار رەتىندە شاقىرعان بولاتىن.

قاراعاندى. 1 قازان. قازتاگ - «ارسەلورميتتال تەمىرتاۋ» اق-نىڭ «اباي» شاحتاسىنىڭ اپاتتى ۋچاسكەسىن اشۋ مۇمكىن ەمەس. ۋكراينانىڭ تاۋ ونەركاسىبىندەگى جۇمىستىڭ قاۋىپسىزدىگى جونىندەگى ماكەەۆ مەملەكەتتىك عزي ديرەكتورىنىڭ عىلىمي جۇمىس جونىندەگى ءبىرىنشى ورىنباسارى پەتر پاشكوۆسكي جۇما كۇنى ءباسپاسوز ءماسليحاتىندا وسىنداي پىكىر ءبىلدىردى.

«قازىرگى ۋاقىتتا لاۆادا كومىردىڭ شوعى قالدى. ونداعى تەمپەراتۋرا تسەلسي بويىنشا 180 گرادۋس. از عانا اۋا كىرسە، ءورت باستالۋى مۇمكىن، ول جەردە مەتان بولسا، جارىلىس بولۋى دا ىقتيمال. اشىپ كورسەك، اۋا كىرەدى. قالىپتاسقان تاۋ-تەحنيكالىق جاعدايلاردى ەسكەرسەك، قازىرگى ۋاقىتتا اپاتتى ۋچاسكەنى اشۋ مۇمكىندىگى جوق»، - دەدى پ. پاشكوۆسكي. كومىردىڭ شوعى ءبىر جىل بويى سونبەۋى مۇمكىن، دەدى ول.

سونداي-اق، ۋكراينالىق ماماندار «اباي» شاحتاسىنداعى 32 ك10-س لاۆانىڭ اپاتتى ۋچاسكەسىن وقشاۋلاۋ تۋرالى شەشىمنىڭ دۇرىس ەكەنىن قۋاتتادى. ولاردىڭ ايتۋىنشا، بۇل اپاتتى وقشاۋلاپ، از شىعىندارمەن شاحتا قىزمەتىنىڭ قاۋىپسىزدىگىن قامتاماسىز ەتۋگە مۇمكىندىك بەردى.

ماكەەۆ عزي-ءسىنىڭ ساراپشىلار كوميسسياسى 28 – 30قىرقۇيەكتە ءىس ماتەريالدارىمەن تانىستى. ۋكراينالىق مامانداردى قاراعاندى وبلىسىنىڭ پروكۋراتۋراسى «اباي» شاحتاسىنداعى جارىلىسقا قاتىستى قىلمىستىق ءىس بويىنشا تاۋەلسىز ساراپشىلار رەتىندە شاقىرعان بولاتىن.

وقيعا ورنىن تەكسەرۋ مۇمكىندىگىنىڭ جوقتىعىنا بايلانىستى پروكۋراتۋرا «تاۋ جانە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بابى بويىنشا قوزعالعان قىلمىستىق ءىس بويىنشا اقىرعى قورىتىندى شىعارۋدان باس تارتىپ وتىر.

«الدىن الا تەرگەۋ بارىسىندا قاجەت تەرگەۋ امالدارى قولعا الىندى، بىراق ءىس بويىنشا اقىرعى پروتسەسسۋالدىق شەشىم شىعارىلعان جوق، ويتكەنى لاۆاداعى ءورت ءالى سونبەگەن»- دەپ ءمالىم ەتتى قاراعاندى وبلىستىق پروكۋراتۋراسىنىڭ ارنايى پروكۋرورلار باسقارماسى باستىعىنىڭ مىندەتتەرىن اتقارۋشى قۋات بەكزاتوۆ.

بۇرىن حابارلانعانداي، 2008 جىلدىڭ 11 قاڭتارىندا «اباي» شاحتاسىندا جارىلىس بولدى. اپات سالدارىنان 30 ادام قازا بولىپ، 14 ادام ءتۇرلى دارەجەدەگى دەنە جاراقاتتارىن العان. جەر بەتىنە 9 كەنشىنىڭ دەنەسى كوتەرىلدى، 21 ادام جانىپ جاتقان لاۆادا قالدى. قازا بولعانداردىڭ تۋىستارى وسى كۇنگە دەيىن لاۆانى اشۋدى تالاپ ەتىپ كەلدى.

ءىستى تەرگەگەن كوميسسيالاۆانىڭ اپاتتى ۋچاسكەسى 1جىلدىڭ ىشىندە اشىلادى دەپ ۋادە بەرگەن بولاتىن.