ءساۋىردىڭ العاشقى كۇنىندەگى ساتيرالىق كوڭىل-كۇي ساياسي پامفلەتكە ۇلاساتىن سياقتى. سەبەبى، اتىنان ات ۇركەتىن قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جەمقورلىق تاۋەكەلدەرىن تالداۋ جانە انىقتاۋ باسقارماسىنىڭ باسشىسى دينارا جانەنوۆا (سۋرەتتە) حانىمنىڭ اۋزىنان شىققان مىنا ءبىر سوزگە نە كۇلەرىمىزدى، نە جىلارىمىزدى بىلمەي وتىرمىز.

بۇگiن ورتالىق كوممۋنيكاتسيالار قىزمەتiندە وتكەن بريفينگكە كەلىپ كوسىلە سويلەگەن دينارا حانىم ءبۇي دەيدى:

-  مەمقىزمەتكە تۇسەر ء(وز ءسوزى، تەگىندە «قابىلدانار» دەپ قابىلداۋ كەرەك شىعار!) الدىندا ۇمiتكەرلەرگە بiرقاتار جوعارى تالاپتار قويىلاتىن بولادى. تاعى ءبىر ايتا كەتەرلىك جايت، تالاپتار قاتارىنا ماگيستراتۋرا، سونىڭ ىشىندە شەتەلدىك ماگيستراتۋرا دەڭگەيى ەنگىزىلمەك. نەمەسە، ۇمىتكەردىڭ ءبىلىمى تولىقتاي شەتەلدىك ءبىلىم بولۋى كەرەك دەگەن تالاپ تا بولادى. بۇنىڭ سەبەبى، قازىر مەملەكەتتىك قىزمەتكەرلەر شەتەلدىك ارىپتەستەرىمەن، شەتەلدىك مەملەكەتتىك ورگاندارمەن كوپ جۇمىس ىستەيدى. سوندىقتان، ءار ءتۇرلى كەلىسسوزدەر بارىسىندا، قانداي دا ءبىر شەشىم قابىلداناردا، ۇكىمەتتىك قۇجاتتاردى دايىنداعاندا ءبىزدىڭ مەملەكەتتىك قىزمەتكەرلەردىڭ ءبىلىمى باسەكەگە قابىلەتتى بولۋ كەرەك. سوندىقتان، ءبىز لاۋازىمداردىڭ جەكەلەگەن تۇرلەرى ءۇشىن تالاپتى كۇشەيتپەكپىز…

ماسساعان بەزگەلدەك، سوندا وتاندىق سالالىق وقۋ ورىندارى جىلدار بويىنا الاشاپقىن بولىپ وقىتىپ جاتقان جاس مامان كادرلار… ەلىمىزدىڭ باسقارۋ ورگاندارىندا جۇمىس جاساي المايتىن بولعانى ما؟ ەگەر، قازاقستاندىق جوو تامامداعان ماماندىق يەسى العان ديپلومىمەن مەملەكەتتىك قىزمەتتىڭ ماڭايىنا جولاي الماسا، وندا ۇلتتىق ستاتۋسقا يە بولىپ وتىرعان ۋنيۆەرسيتەتتەر مەن اكادەميالاردى جابۋ قاجەت بولاتىن شىعار؟

الدە جانەنوۆا حانىمنىڭ اۋزىمەن ايتىلعان بۇل سوزدەر الداعى ۋاقىتتا شەت ەلدە ءبىلىم الىپ كەلگەن داۋلەتتى ادامداردىڭ بالالارى مەن مەملەكەتتىك تاپسىرىسپەن سىرتتا ءبىلىم الىپ جاتقان ات توبەلىندەي توپتان باسقالارعا لاۋازىمدى قىزمەتتىڭ جولى جابىق دەگەندى بىلدىرە مە؟

مۇمكىن، بۇل مەملەكەتتىك دەڭگەيدە ايتىلعان ءازىل مە ەكەن، ءا… ءبارىبىر ءساتتى شىقپادى!

Abai.kz