قانسونار
قار جاۋسا قاباعىنان سۇرەڭ كەشتىڭ،
جۇلدىز باعىپ سوڭىنان جۇرەم كوشتىڭ.
بۇزادى تىنىشتىعىن قارا ءتۇننىڭ،
كۇرت-كۇرت شايناپ سۇلىسىن كۇرەڭ بەستىم.

كۇرەڭىم جەر تارپيدى تاڭ اتقانشا،
مەندە دە تاۋسىلادى تاعات سونشا.
سارى ءيتىم دە سابىرىن جوعالتادى.
تۇننەن قالعان سورپانى جالاتقانشا.

وڭايلىقپەن اتاما تاڭ كۇتكەنگە،
قاي جاققا كەتىپ قالدى قاڭعىپ كۇن دە،
كۇرەڭ بەستىم، تازى ءيتىم امان بولسا،
قانسونار قارالى كۇن اڭ بىتكەنگە.

قاندى اۋىز مىلتىعىمدى يىققا استىم،
كۇرەڭمەن اسۋلاردى قيىپ باستىم،
تازىم دا تۋرا تارتتى ءيىس سەزىپ،
تۇبىندە تۇلكى ءجۇر دەپ بيىك تاستىڭ.

كۇرەڭىمنىڭ تەرلەدى قۇلاق ءتۇبى،
قانسونار قۇمايىمنىڭ سىناق كۇنى.
اتام دا ارتادى دەپ ايتاتۇعىن،
تۇلكىنىڭ قىزىلىمەن تىماق قۇنى.

تازا اۋا، اتتىڭ ءۇستى تۇزدە كۇشتى،
بىرەۋلەر ەرىككەن دەر بىزدەگى ءىستى،
تۇمسىعىن كۇن كوزىنە ءبىر كوتەرىپ،
سارى ءيتىم، تۇلكى كەسكەن ىزگە ءتۇستى.

كەزدەسىپ تۇرا قۋدىق تۇلكى قۋدى،
ۇيرەنگەن كۇرەڭىم دە ۇمتىلۋدى،
تاۋعا تارتقان زالىمدى ءبىر قايىردىم،
بۇرقىراتىپ دالادا جىلقى بۋدى.

كۇرەڭىمدە كوسىلدى، تازىم ۇشتى،
تۇلكىگە از جازىپتى جازمىشتى،
قۇمايىم اۋناتقاندا اپپاق قارعا.
قالدىم عوي ات ۇستىندە جازىپ ءىشتى.

تۇلكىنىڭ قولعا ەندى تۇسكەنى انىق،
شاۋىپ كەلدىم كۇرەڭدى كۇشكە سالىپ،
اپپاق قاردى قىزىل قىپ جاتىر ەكەن.
سارى تازىم تاماعىنان تىستەپ الىپ.

تۇلكى قاقتىم توماردىڭ بەلەسىنەن،
ءداستۇردىڭ ءبىر جاڭعىرتىپ كونەسىنەن،
بۇيىرعاندى بايلادىم قانجىعاعا،
سارى تازىمنىڭ ءبىر سيپاپ توبەسىنەن.

ر.S.
"دەدى ماعان ومىرگە نازى كوپ شال،
زامانىڭ تۇلكى بولسا تازى بوپ شال."

ات ءۇستى
(جەلدىقاراعا جەتكەنشە)

جەلدىقارا
سايىڭ دا، ساياڭدا قۇت
باۋىرىڭا
ءبىز ءۇشىن تاياۋ باقىت.
توسىڭە
اۋناپ-قۋناپ كەتەيىنشى.
توبەلمەن
تۋرا تارتتىم اياڭداتىپ.

الايىن
ەندى ءبىر ءسات جورعالاتىپ،
بۇدان اسقان
ومىردە بار ما باقىت،
جازىق جەردە
جازىلتىپ كوسىلتەيىن،
توبەلدىڭ
تامشى تەرىن سورعالاتىپ.

سالايىن
جەلدەي ەندى جەلىسىڭە،
تانىلعان
قۇلىن ەدى جەلىسىندە.
ويىن-ساۋىق،
كوكپاردا سەنى مىنسەم
ەڭسەم
بيىك تۇراتىن ەل ىشىندە.

ەتىڭ قىزدى
ۇدەتشى شابىسىڭدى،
جانۋارىم
قايراشى نامىسىڭدى.
دۇبىرلەتىپ
وتكەندە دالا ءتوسىن،
تۇياعىڭنان
دۇشپاننىڭ ساعى سىندى.

توبەلىم-اۋ،
جىلقى جوق سەننەن اسقان.
كوزگە تۇسكەن،
تەكتىسىڭ قۇلىن جاستان.
سۇرىنۋگە
قاقىڭ جوق تۋعان جەردە،
قۋباس تا
جەلدىقارا جەرىن باسقان.

Abai.kz