ءساۋىردىڭ 26-سى كۇنى بولاتىن سايلاۋعا قر پرەزيدەنتتىگىنەن ۇمىتكەر رەتىندە ءۇش ادام تىركەلدى. ولار – قازىرگى ءىس باسىنداعى  قر پرەزيدەنتى نۇرسۇلتان نازارباەۆ جانە تۇرعىن سىزدىقوۆ پەن ابىلعازى قۇسايىنوۆ.

ورتالىق سايلاۋ كوميسسياسى تانىمال قوعام قايراتكەرى حاسەن قوجا-احمەتتى دە ۇمىتكەرلەردىڭ قاتارىنا تىركەۋى مۇمكىن دەگەن ءسوز شىعۋدا. قازاق اراسىنداعى ساياسي بەلسەندىلىككە سوناۋ توقسانىنشى جىلداردان بەرى جەتەكشىلىك جاساپ، كوششباسشىلىق قيمىل تانىتىپ جۇرگەن حاسەن مىرزانىڭ ۇمىتكەرلىك «تاعدىرى» قالاي شەشىلەدى، ونى الداعى كۇندەرى كورە جاتارمىز. الايدا، بىلايعى جۇرتقا بەيمالىم سىزدىقوۆ پەن قۇسايىنوۆتىڭ قاسىندا حاسەكەڭدى حالىق جاقسى بىلەدى دەپ مويىنداۋىمىزعا تۋرا كەلەدى.

سونىمەن، ورتالىق سايلاۋ كوميسسياسىنىڭ تالابىنان ءوتىپ، رەسمي تىركەلگەن ۇمىتكەر ازىرگە – ۇشەۋ. ال، جالپى ءوزىن-ءوزى ۇسىنىپ، ەل بيلىگىن قولعا الۋعا تالپىنعانداردىڭ سانى – 27 بولعان. بۇل 27-ءنىڭ 13-ءى استانادان، 10-ى الماتىدان شىقتى. كوكشەتاۋ مەن قوستانايدان، شىمكەنت پەن شورتاندى قالاسىنان دا ءبىر-ءبىر ادام ۇمىتكەرلەر باسەكەسىنە ءتۇسىپ، باق سىناپ كوردى. سونىڭ قايسىبىرى لينگۆيستيكالىق كوميسسيانىڭ سۇراقتارىنا جاۋاپ بەرە الماسا، قايسىبىرى ۇمىتكەرگە قاجەت قاراجات ماسەلەسىن شەشە الماعاندارىن ءبىلدىردى.

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 56-بابى 2-تارماعىنا سايكەس پرەزيدەنتتiككە كانديداتتى رەسپۋبليكا وبلىستارىنىڭ، رەسپۋبليكالىق ماڭىزى بار قالاسىنىڭ جانە استاناسىنىڭ كەمىندە ۇشتەن ەكiسiنiڭ اتىنان تەڭدەي وكiلدiك ەتەتiن سايلاۋشىلاردىڭ جالپى سانىنىڭ كەمىندە بiر پايىزى قولداۋعا تيiس.

Abai.kz