بۇگىن يراكتا VI عاسىردان بەرى تۇرعان بۋددا ءمۇسىنىنىڭ تالقانى شىقتى. ال، اۋعانستاننىڭ سولتۇستىك اۋداندارىندا «يسلام مەملەكەتى» دەپ اتالاتىن ەكسترەميستىك ۇيىمىنىڭ قارا تۋى كوتەرىلىپ، ورتالىق ازيا ايماعىن الاڭداتىپ باستادى. ەركىن اقپارات كوزدەرىنىڭ حابارلاۋىنشا، «يسلام مەملەكەتى» ەكسترەميستىك ۇيىمىنىڭ قارا تۋى اۋعانستاننىڭ سولتۇستىك-باتىس پروۆينتسيالارىنان بايقالعان.

اۋعانستانعا اتتانعان بۇۇ وكىلى نيكولاس حەيسوم ناۋرىزدىڭ 16-سى كۇنى وسى ۇيىمنىڭ قاۋىپسىزدىك كەڭەسىنە «يم مۇشەلەرى اۋعانستانعا كەلدى، بىراق ءالى تەرەڭ تامىر جايماعان» دەپ مالىمدەگەن ەدى. ال، ازاتتىقتىڭ Gandhara سايتى قۇندىز پروۆينتسياسىنىڭ (اۋعانستان) گۋبەرناتورى موحاممەد ومار ءسافيدىڭ «يم جاۋىنگەرلەرى سولتۇستىك-شىعىس پروۆينتسيادا ءجۇر» دەگەن سوزىنە سىلتەمە جاسايدى. بۇل - پروۆينتسيا تاجىكستانمەن اراداعى شەكارادا ورنالاسقان، وزبەكستاننان دا الىس ەمەس. بۇۇ ەلشىسى نيكولاس حەيسوم: «يسلام مەملەكەتى» اۋعان ەلىندە باستارى قوسىلماي جۇرگەن بۇلىكشىلەر توبىن بىرىكتىرۋى مۇمكىن. ال، مۇنىڭ سوڭى ورتالىق ازيا ءۇشىن قاۋىپتى» دەيدى.

اباي-اقپارات.