فوتو kapital.kz

«راحات اليەۆتى ۆەناداعى زيراتقا جەرلەدى» دەپ حابارلادى بىرنەشە جىل بۇرىن قازاقستاننان ەۋروپاعا قونىس اۋدارعان «رەسپۋبليكا» پورتالىنىڭ شەف-رەداكتورى، جۋرناليست يرينا پەترۋشوۆا جانە رەجيسسەر بولات اتاباەۆ Facebook جەلىسىندەگى اككاۋنتىندا.  

«تابىتتىڭ بەتى جابىق بولعان – جاقىندا عانا مۇسىلماندىق راسىممەن جەرلەگەن دەپ ايتتى، مارقۇمنىڭ وتباسى دا سول كەزدە قوشتاستى، مۇنان سوڭ تابىتتى دانەكەرلەپ، اقىم رەتىندە جەرلەگەن» دەپ جازدى پەترۋشوۆا اككاۋنتىندا.

ونىڭ جازباسىندا جەرلەۋ راسىمىنەن سۋرەتتەر دە بار. 

بولات اتاباەۆتىڭ جازۋىنشا، جەرلەۋ راسىمىنە راحات اليەۆتىڭ ۇلدارى – ءنۇرالى جانە ايسۇلتان قاتىسقان.

قازاقستان پرەزيدەنتىنىڭ بۇرىنعى كۇيەۋ بالاسى راحات اليەۆ اۆستريا تۇرمەسىندە اقپان ايىنىڭ سوڭىندا ءولى كۇيىندە تابىلعان بولاتىن. رەسمي بولجام بويىنشا، ول ء«وز-وزىنە قول جۇمساعان».

بۇعان دەيىن اۆستريا پروكۋراتۋراسى راحات اليەۆ مايىتىنەن الىنعان قانعا جاسالعان ساراپتامانىڭ ناتيجەسىن جاريالاپ، ونىڭ قانىندا اۆستريادا تىيىم سالىنعان باربيتۋرات ىزدەرى تابىلعانىن حابارلاعان ەدى.

باربيتۋرات - ادامدى تىنىشتاندىراتىن ءدارى-دارمەك ءتۇرى.

دەرەككوز: azattyq.org