ەلباسىن قولداۋشىلار سانى 560 مىڭنان استى
قر پرەزيدەنتىنىڭ سايلاۋىنا ۇمىتكەر رەتىندە تىركەلگەننەن بەرى نۇرسۇلتان نازارباەۆتىڭ كانديداتۋراسىن قولداپ 560 مىڭنان استام قول جينالدى. بۇل تۋرالى ورتالىق سايلاۋ كوميسسياسىنىڭ وتىرىسىندا اتالعان كوميسسيا حاتشىسى باقىت مەلدەشەۆ ءمالىم ەتتى.
«نۇرسۇلتان ءابىشۇلى نازارباەۆتىڭ كانديداتۋراسىن قولداپ ەلدىڭ 16 ءوڭىرىنىڭ بارلىعىنا وكىلدىك ەتەتىن سايلاۋشىلاردىڭ 560523-ءىنىڭ راستالعان قولى جينالدى»، - دەدى ب.مەلدەشەۆ.
ايتا كەتەيىك، بۇگىن ورتالىق سايلاۋ كوميسسياسى نۇرسۇلتان ءابىشۇلى نازارباەۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋ جانە كانديداتتىڭ كۋالىگىن بەرۋ تۋرالى قاۋلى قابىلداعان بولاتىن.
اباي-اقپارات.
