بۇگىن قر ورتالىق سايلاۋ كوميسسياسىندا قازاقستان رەسپۋبليكاسىنىڭ پرەزيدەنتتىگىنە كانديدات نۇرسۇلتان نازارباەۆتىڭ مەملەكەتتىك ءتىلدى مەڭگەرۋ دەڭگەيىن انىقتاۋ جونىندەگى لينگۆيستيكالىق كوميسسيانىڭ وتىرىسى بولدى.

لينگۆيستيكالىق كوميسسيانىڭ شەشىمىمەن نۇرسۇلتان ءابىشۇلى مەملەكەتتىك ءتىلدى ەركىن مەڭگەرگەن دەپ تانىلدى.

«ەلباسى نۇرسۇلتان ءابىشۇلى نازارباەۆتىڭ قازاق ءتىلىن ەركىن مەڭگەرگەندىگى جونىندەگى ەمتيحان ناتيجەسىن جاريالايمىز. وسى ۋاقىتقا دەيىن سىناقتان وتكەن پرەزيدەنتتىككە كانديداتتار سەكىلدى ن.نازارباەۆ ءۇش سۇراققا جاۋاپ بەردى. ءبىرىنشىسى، ء«بىزدىڭ كۇشىمىز – بىرلىكتە» تاقىرىبىندا شىعارما جازدى. ەكىنشى سۇراق، ءىلياس ەسەنبەرليننىڭ شىعارماسى. بىلەسىزدەر، بيىل ءى.ەسەنبەرليننىڭ 100 جىلدىعى تويلانادى، ونىڭ ۇستىنە قازاق حاندىعىنىڭ 550 جىلدىعى كەلە جاتىر. ءۇشىنشى سۇراق ەركىن سويلەۋ، «بابالار ءسوزى – دانالىق كوزى». مەن ارتىق-كەم ايتىپ نە قىلايىن، نۇرسۇلتان ءابىشۇلىنىڭ قازاق حالقىنىڭ الدىندا وتپەگەن سىنى جوق. بۇل سىننان دا ويداعىداي ءوتتى. ءبىز ءتىل مامانى رەتىندە ەرەكشە باعالاپ وتىرمىز. نۇرسۇلتان ءابىشۇلى نازارباەۆ مەملەكەتتىك ءتىلدى ەركىن مەڭگەرگەن دەگەن قورىتىندى جاساپ وتىرمىز»، - دەدى لينگۆيستيكالىق كوميسسيا توراعاسى م.جولداسبەكوۆ سىناق ناتيجەسىنە وراي بەرگەن سۇحباتىندا.

اباي-اقپارات.