ناۋرىزعا دايىندىق كيىز ءۇي تىگىپ، التىباقان قۇرۋمەن باستالمايدى. الدىمەن قوقىستان ارىلىپ، كوشەنى تازالاۋدان، بۇلاق كوزىن ارشۋدان باستالادى. سوسىن ناۋرىز تويىنا قۇر ناۋقان دەپ قارايتىن ادەتتەن ارىلۋ كەرەك. ناۋرىز، ياعني 22-ءسى جەكسەنبى كۇنمەن تۇسپا-تۇس كەلسە، جۇمادان - 20-سىنان باستاپ تويلايتىن قازاقتار بار (مىسالى، ۇجىمدار). ناۋرىز تويى ناۋرىزدىڭ 21-ىنەن 22-سىنە قاراعان تۇنىنەن باستالىپ، ءبىر ايعا سوزىلادى. ءبىر اي بويى قازاقتىڭ ءاربىر ءۇيى كوجە سالىپ، ءبىرىنىڭ ۇيىنە ءبىرى بارىپ ناۋرىزكوجە ىشكەن. قۇرتى مەن ايرانى قوسىلىپ، قازىسى مەن قىستان قالعان جىلقىنىڭ ءسۇر ەتى، تارىسى مەن بيدايى ارالاسقان وسىناۋ اس قازاقتى كوكتەمدە اۆيتامينوزدان ساقتاعان. بۇگىندە ايتەۋىر "ناۋرىز تويىن اتاپ وتە سالۋ كەرەك" دەگەن تۇسىنىكپەن كۇن مەن ءتۇن تەڭەلمەي جاتىپ، تويلاۋدى باستايتىن قازاقتار وزدەرىنىڭ مەرەكەسىنىڭ -ۇلىس كۇنىنىڭ قادىرىن كەتىرە باستادى. مۇنى ماعان اپام ايتىپ بەردى. ۇققانىمدى كوپكە وي سالار دەگەن نيەتپەن وسىندا جاريالاپ وتىرمىن.

ايگۇل بولاتحانقىزى.

(جازبا اۆتوردىڭ facebookتەگى پاراقشاسىنان الىندى)