Наурызға дайындық киіз үй тігіп, алтыбақан құрумен басталмайды. Алдымен қоқыстан арылып, көшені тазалаудан, бұлақ көзін аршудан басталады. Сосын Наурыз тойына құр науқан деп қарайтын әдеттен арылу керек. Наурыз, яғни 22-сі жексенбі күнмен тұспа-тұс келсе, жұмадан - 20-сынан бастап тойлайтын қазақтар бар (мысалы, ұжымдар). Наурыз тойы наурыздың 21-інен 22-сіне қараған түнінен басталып, бір айға созылады. Бір ай бойы қазақтың әрбір үйі көже салып, бірінің үйіне бірі барып наурызкөже ішкен. Құрты мен айраны қосылып, қазысы мен қыстан қалған жылқының сүр еті, тарысы мен бидайы араласқан осынау ас қазақты көктемде авитаминоздан сақтаған. Бүгінде әйтеуір "Наурыз тойын атап өте салу керек" деген түсінікпен Күн мен Түн теңелмей жатып, тойлауды бастайтын қазақтар өздерінің мерекесінің -Ұлыс күнінің қадірін кетіре бастады. Мұны маған апам айтып берді. Ұққанымды көпке ой салар деген ниетпен осында жариялап отырмын.

Айгүл БОЛАТХАНҚЫЗЫ.

(Жазба автордың facebookтегі парақшасынан алынды)