الىس-جاقىن شەتەلدەردەن اتاجۇرتقا ورالعان قانداستارىمىزدىڭ

قوعامدىق ۇيىمدارىنىڭ

قازاقستان حالقىنا

ۇندەۋى

قۇرمەتتى وتانداستار!

بۇگىندە الەم ۇلكەن وزگەرىستىڭ الدىندا تۇر. عالامدى شارپىعان قارجىلىق داعدارىستىڭ سالدارى ەڭسەرىلمەي جاتىپ، ەكىنشى تولقىنى كەلە جاتىر. ءبىز بيىلعى جىلعى پرەزيدەنت سايلاۋىن – الدا بولۋى مۇمكىن وسىنداي عالامدىق داعدارىس پەن بۇرالاڭ جولداردان الىپ شىعاتىن ءارى قازاقستاننىڭ مەملەكەتتىگىن ودان ءارى نىعايتا تۇسەتىن اسا ماڭىزدى ستراتەگيالىق قادام ەسەپتەيمىز. سول سەبەپتى، ۇلتارالىق بىرلىك پەن تاتۋ­لىق­تىڭ سيمۆولىنا اينالىپ وتىرعان قازاقستان حالقى اسسامبلەيا­سى­نىڭ پرەزيدەنت سايلاۋىن وتكىزۋ باستاماسى بىردەن-ءبىر دۇرىس، دەر ۋاعىندا كوتەرىلدى. ءبىز ءبىر اۋىزدان قولدايمىز!

اتام قازاقتا «تە­مىردى قىزعان كەزىندە سوق!» دەگەن قاناتتى ءسوزى بار. ويتكەنى، الدا «قازاقستان-2050» ستراتەگياسى، «ماڭگىلىك ەل» ۇلت­تىق يدەياسىمەن تاۋەلسىز قازاقستاننىڭ وركەندەۋ جولىنا جاڭاشا سيپات بەرەتىن «نۇرلى جول» باع­دارلاماسى تۇر. ەلباسى ۇسىنعان بۇل جوبالاردىڭ بارلىعى تەك قيىندىقتاردى ەڭسە­رۋدىڭ جولى عانا ەمەس، ۇزاق ­مەر­­زىمدى دامۋ جوسپارى ءارى الەمدى شارپىعان داعدارىس داۋىلىنان الىپ شىعاتىن ايقىن باعىت ەكەنى داۋسىز. سونداي-اق، قوعامدى توپتاستىرۋدىڭ، بىرلىككە، كەلىسىم مەن ساياسي تۇراقتىلىققا باستايتىن سارا جول دەپ بىلەمىز.

دامۋ جولى جارقىن، بولاشاعى ايقىن قازاق ەلىنىڭ، تاۋەلسىزدىگى قولىندا تۇرسا عانا، ءاربىر كۇنى مەرەكە، ءاربىر تاڭى بەرەكە. قۇدايعا تاۋبە، قازاقستان الەمدىك قاۋىمداستىق الدىندا وزىنە جۇكتەلگەن كەز كەلگەن مىندەتتى قايمىقپاي كوتەرىپ، ابىرويمەن اتقارىپ كەلەدى. سونىڭ جارقىن كورىنىسى – ەىقۇ استانا ءسامميتى، ازيا ويىندارى. اسا بەدەلدى حالىقارالىق ينستيتۋتتاردىڭ ءبىرى - يسلام كونفەرەنتسياسى ۇيىمىنا توراعالىق ەتتىك.

بيىلعى جىل دا تاريحي وقيعالارعا تولى بولعالى وتىر. قازاق حاندىعىنىڭ 550 جىلدىق مەرەيتويى، ۇلى جەڭىستىڭ 70, قازاقستان كونستيتۋتسياسى مەن قحا-نىڭ 20 جىلدىعى، سونداي اق، ەكسپو-2017 حالىقارالىق كورمەسى جانە 2017 جىلى قىسقى ۋنيۆەر­سيادا ويىندارى سەكىلدى الەمدىك دەڭگەيدەگى شارالار تۇر. وعان 2020 جىلعا قاراي قازاقستان حالقىنىڭ سانىن 20 ميلليونعا جەتكىزۋ كەرەك دەگەن ۇلى ۇراندى قوسىڭىز.

تاعدىردىڭ جازۋىمەن الەمنىڭ ءار شالعايىنا تارىداي شاتىراپ كەتكەن قانداستارىمىزدىڭ قارا شاڭىراق – قازاقستاندا باسىن قوسۋعا ارنالعان كوشى-قون ساياساتى دا ۇلت كوشباسشىسى نۇرسۇلتان نازارباەۆ تۇڭعىش ءارى ەرتە جولداعان ۇلى باستاما. وسىناۋ ساليحالى ساياساتتىڭ ارقاسىندا ءبىر ميلليونعا تاياۋ قانداسىمىز وتان قۇشاعىنا ورالدى. سونىمەن بىرگە، وسى كوشتى بايالاتۋعا، توقتاتۋعا تالپىنعان كۇشتەردىڭ «قانداستارىمىزعا جول اشۋىمىز كەرەك. قازاقتىڭ جەرى كەڭ. ورنالاسامىن دەگەن جەرىن ءوزى تاڭداسىن!» دەپ جولىن كەسكەن تاعى نۇرسۇلتان ءابىشۇلى.

سوعان ساي، ەلباسىنىڭ تىكەلەي تاپسىرماسىمەن قازاقستان ۇكىمەتى قايتا دايىنداعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى قازىر قر پارلامەنتىنىڭ ماجىلىسىندە قارالۋدا. دەمەك، الدا شەتتەن كەلەتىن قازاق كوشىنىڭ ەكىنشى ورلەۋ كەزەڭى باستالماق!

ارينە، مۇنىڭ بارلىعىن قازاق ەلىنىڭ تۇڭعىش پرەزيدەنتى، ۇلت كوشباسشىسىنسىز ءوز دەڭگەيىندە وتكىزىپ شىعۋ، مۇلتىكسىز ورىنداۋ مۇمكىن ەمەس!

ءبىز – تاۋەلسىزدىك تاڭى اتىسىمەن الىس-جاقىن شەتەلدەردەن اتاجۇرتقا ورالعان، قازاقستان ازاماتى بولىپ قالىپتاسقان قانداستار قاۋىمى دا مۇنداي تاريحي ماڭىزى زور، ساياسي جاۋاپكەرشىلىگى كۇشتى ناۋقاننان شەت قالۋعا حاقىمىز جوق، بەلسەندى تۇردە قاتىسامىز.

سايلاۋ – جالپىحالىقتىق دەموكراتيانىڭ جارقىن كورىنىسى. ءارى وعان قاتىسىپ، ءوز تاڭداۋىمىزدى جاساۋ دا ۇلكەن جاۋاپ­كەرشىلىك دەپ سانايمىز.

سون­دىقتان، ازاماتتىق قوعام قۇرۋشى ەركىن ەلدىڭ بارلىق ازاماتتارىن پرەزيدەنتتىك سايلاۋعا ءۇن قوسۋعا شاقىرامىز!

ۇلت كوشباسشىسى نۇرسۇلتان ءابىشۇلى نازارباەۆتىڭ كەزەتى سايلاۋعا ءوز كانديداتۋراسىن ۇسىنۋىن سۇرايمىز!

ورالمانداردىڭ «اسار» رەسپۋبليكالىق قوعامدىق بىرلەستىگى،

ورالمانداردىڭ «جەبەۋ» رەسپۋبليكالىق قوعامدىق بىرلەستىگى،

«بالالار شىعارماشىلىعىن قولداۋ» قورى،

«دەمەۋ» انا مەن بالالاردى قولداۋ قوعامدىق بىرلەستىگى،

رەسپۋبليكالىق «وتانداس ەل» قوعامدىق بىرلەستىگى،

«الاش جۇرتى» قوعامدىق بىرلەستىگى،

«قازاقتانۋ» رەسپۋبليكالىق قوعامدىق بىرلەستىگى،

«جەزبۇيدا» رەسپۋبليكالىق جاستار قوعامدىق بىرلەستىگى.

Abai.kz