- 2011 جىلى وتكەن كەزەكتەن تىس سايلاۋ بارىسىندا ورىن العان جايتتارعا توقتالايىن. كوپتەگەن ادامدار اينالدىرعان ەكى بەت جازبا جۇمىسىندا 16 قاتەدەن باستاپ، 32, 36, 46, 52 قاتەگە دەيىن جىبەردى. بۇل ءبىر، ەكىنشىدەن، كەلگەن كىسىلەردىڭ كوپشىلىگى جۇمىسسىز جۇرگەن ادامدار بولدى. بىرنەشە ەكستراسەنستەر كەلدى. ماسەلەن، ءبىر كىسى: «پويىزبەن الماتىدان پاۆلودارعا كەتىپ بارا جاتىر ەدىم، استاناعا كەلگەندە پرەزيدەنتتىك سايلاۋ ەسىمە ءتۇسىپ، سىزدەردىڭ الدارىڭىزعا كەلىپ وتىرمىن» دەيدى. ال ءبىر ايەل تاڭەرتەڭ شاي ءىشىپ وتىرعاندا ەسىنە سايلاۋدىڭ جاريالانعانى ساپ ەتە ءتۇسىپ، سودان ءبىزدىڭ الدىمىزعا ءوزىن كانديدات رەتىندە ۇسىنۋ ءۇشىن كەلىپتى. مىنە، وسىنداي جايتتار ورىن العان بولاتىن.

اعىمداعى جىلى پرەزيدەنتتىككە كانديداتتار 1 ملن. 60 مىڭ تەڭگە جارنا تولەۋ كەرەك بولسا، 2011 جىلى ونىڭ كولەمى 800 مىڭ تەڭگە قۇراعان ەدى. ال سول جىلى كانديدات رەتىندە تىركەلۋگە كەلگەن ءبىر ازامات اقشاسىنىڭ جوق ەكەندىگىن ايتىپ، ونىڭ ورنىنا سەكسەۋىل ۇسىندى... ەندى ءبىرى كوميسسيا مۇشەلەرىنەن قارجىلاي قولداۋ سۇرادى.

الدىمىزدان تالاي ازامات ءوتتى، ءبارى قازاقستان ازاماتتارى، ءبارىنىڭ دە قۇقىعى بىردەي. بىراق پرەزيدەنت بولاتىن ادام حالىقتىڭ تاعدىرىن ويلاۋى كەرەك قوي. پرەزيدەنت بولاتىن ادام ەڭ بولماعاندا ءبىر مەكەمەنى باسقارۋى كەرەك قوي. جۇمىسسىز جۇرگەن، جۇمىسقا ەشكىم الماعان ازامات ەرتەڭ ونىڭ بەتىن ارمان قىلسىن، قۇداي ساقتاسىن، پرەزيدەنت بولاتىن بولسا، مەملەكەتتىڭ تاعدىرى نە بولماق؟..

(قر پرەزيدەنتتىگىنە كانديداتتاردى مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانىڭ توراعاسى مىرزاتاي جولداسبەكوۆتىڭ جۋرناليستەرمەن بولعان كەزدەسۋدە ايتقانى.)

Abai.kz