جيىرما ءبىرىنشى عاسىر كەلىپ، تەحنولوگيا جىلدام دامىپ، ادامدار ۋاقىت ۇنەمدەۋدىڭ ءتۇرلى جولدارىن قاراستىرىپ، ءومىردى جەڭىلدەتۋدىڭ قانشاما العىشارتتارىن جاساپ جاتقان ۋاقىتتا، الەمنىڭ قاي جەرىنە بارام دەسە دە ەسىك اشىق، جاعداي جاساۋلى. بارلىق مۇمكىندىكتى تۋدىرۋعا تىرىسقانىمەن، دەنساۋلىق ماسەلەسى، داۋاسىن تاپپاعان دەرتتەر ءالى دە كۇردەلى ماسەلە بولىپ قالۋدا. ءومىر بار جەردە ءولىم بارلىعى سەكىلدى، ادام بار جەردە اۋرۋ دا بولاتىنى اقيقات. وسى تۇستا مەنىڭ ايتقىم كەلەتىنى - «تۋرمەدا» كومپانياسىنىڭ قىزمەتتەرى جايلى.

دەم الۋ ءۇشىن ەمەس، ەم الۋ ءۇشىن شىرقىراپ، شەت ەل اسىپ، سىرقاتىنىڭ ناقتى سەبەبىن، نە وعان داۋا تابا الاتىن دارىگەرىن تاپپاي جۇرگەن قانشا ادام بار. «تۋرمەدا» - وسىنداي قينالعان جاندارعا قول ۇشىن سوزاتىن، قىزمەت تۇرلەرىن 14 مەملەكەتتە جۇزەگە اسىرىپ وتىرعان كومپانيا. تۇركيا تاريح بەتتەرىنەن ءدىنى مەن ءتىلى، تاريحى مەن مادەنيەتى وزىق ۇلگىدەگى مەملەكەت ەكەنى داۋسىز. بۇگىندە مەديتسينالىق جابدىقتارى مەن دارىگەر عالىمدارى دا الەمنىڭ الپاۋىت مەملەكەتتەرىنەن اسىپ تۇسپەسە كەم ەمەس. MedicalPark اۋرۋحانالار جۇيەسىمەن بىرلەسە وتىرىپ، دەرتىنە دارمەن ىزدەگەن "تۋرمەدا" كومپانياسىنىڭ كوپشىلىككە قىزمەت كورسەتىپ كەلە جاتقانىنا 7 جىلدان استى. قازاقستاننان ارنايى دارىگەرلەر مەن باق وكىلدەرىن قوناق ەتىپ، ءوز جەتىستىكتەرى جانە مۇمكىنشىلىكتەرىمەن تولىق تانىسۋدى ۇسىنعان بۇل كومپانيانىڭ ەڭبەگى ەرەن. "مەديكالپارك" اۋرۋحانالار جۇيەسىن تۇركيانىڭ كەز كەلگەن قالاسىنان تابۋعا بولادى. جوعارعى ساپالى مەديتسينا، قامقور دارىگەرلەر جانە مەيىرىمدى مەيىربيكەلەر جينالعان بۇل ۇجىمدا دەرتتەن ايىقپاۋ مۇمكىن ەمەس، ارينە، اۋەلى اللانىڭ قالاۋىمەن. ال "تۋرمەدا" جايلى ءسوز تىپتەن باسقا.

الەمدە ميللياردتاعان ادامنىڭ ىشىندە قازىر دەنى تولىق ساۋ دەپ ايتا الاتىن ادام قالدى دەۋ قيىن. «تاربيەسىز بەرىلگەن ءبىلىم ادامزاتتىڭ حاس جاۋى» دەگەن ەكەن ءال-فارابي. تەحنولوگيا دامىپ، ەكونوميكا قانشالىقتى وسسە، ادامزاتتىڭ ومىرىنە سونشالىقتى زيانى ءتيىپ جاتقانى بارشامىزعا بەلگىلى. ەكولوگيا، لاستانعان اۋا، حيميالىق قالدىقتارعا تۇنعان اۋىز سۋ، دۇرىس تاماقتانباۋ، وسىنىڭ بارلىعى جاڭا عانا دۇنيە ەسىگىن اشقان ءسابيدىڭ ءوزىن ءتۇرلى اۋرۋلارعا شالدىقتىرىپ جاتقانى بەلگىلى. سۇيەكتىڭ جەتىلمەۋى، اقىل-ەسى كەم جانە كەمتارلىق، اققان، جۇرەك تالمالارى، قان قىسىمىنىڭ جوعارىلاۋى نەمەسە تومەندەۋى - بۇلاردى العاش ەستىگەندە عالامنىڭ قاسىرەتى سول ادامنىڭ باسىنا تونگەندەي شوشىنا قارايتىنبىز، الايدا، قازىر قۇلاق ۇيرەنىسكەن، تانىس ءسوز. بۇلاردان بولەك ادام ەستىپ كورمەگەن ءتۇرلى دياگنوزدارمەن مەديتسينا سالاسى كۇندەلىكتى جاڭارىپ وتىر. الەمنىڭ جۇزدەگەن مەملەكەتىندە دەرتىنە شيپا ىزدەپ، ءوز ەلىندە ەمدەۋگە مۇمكىندىك تاپپاي، تاۋ-تاستى كەزگەن ادامدار ءۇشىن «تۋرمەدا» - عاجاپ مۇمكىندىك. «ناۋقاستىڭ مەديتسينالىق ساراپتامالار قورتىندىسى بويىنشا دارىگەر تابۋ، وتا ۋاقىتىن بەلگىلەۋدەن باستالىپ، الەمنىڭ ءبىر قيىرىنان تۇركياعا كەلگەن ناۋقاستى جاقىندارىمەن بىرگە اۋەجايدان كۇتىپ الۋ، جانىنا ءتىلماش، استىنا كولىك، قولىنا سول ەلدىڭ بايلانىس جۇيەسى بويىنشا ءوز ەلىمەن دە سويلەسۋگە مۇمكىندىك تۋدىراتىن ۇيالى تەلەفون بەرۋ، ءساتى ءتۇسىپ، ەمى شيپاسىن بەرىپ، جازىلىپ شىققان كىسىنى ەلىنە شىعارىپ سالۋدان اياقتالاتىن قىزمەت ءتۇرى» دەپ ءتۇسىندىردى كومپانيا باسشىسى مۇستافا تادجار مىرزا. «قازاقستاندا دا ءوز قىزمەتىن 5 جىل بۇرىن باستاعان بۇل ۇجىم قازىرگە دەيىن مىڭداعان ناۋقاسقا ءوز شاراپاتىن تيگىزگەنىن ماقتانىشپەن ايتۋعا بولادى» دەدى، الماتى قالاسىندا ورنالاسقان ءبولىمىنىڭ مەڭگەرۋشىسى ءسابيت سەيدۋاليەۆ قانداسىمىز. بۇگىندە الەمنىڭ كەز كەلگەن بۇرىشىنان «تۋر قىزمەتتەرى» دەگەن كەڭسەنى ىزدەمەي تابا الاسىز. الايدا بۇل تۋردىڭ ماقسات-مۇددەسى مۇلدە بولەك ەكەنىن، كوزبەن كورىپ، شاراپاتتى ەڭبەكتەرىنە جەمىس تىلەدىك.

"مەديكالپارك" اۋرۋحاناسىنىڭ باسشىسى تىلەك ارمان (Dilek Arman) حانىم ءوز مۇمكىنشىلىكتەرىمەن تانىستىرۋ بارىسىندا جاڭا تۋىلعان سابيلەر بولىمىنەن باستاپ بارلىق اۋرۋ تۇرلەرىنە جاسالاتىن ەم-دوممەن تولىق تانىستىردى. «بۇل - الەمدەگى ەڭ ۋزدىك دارىگەرلەر جينالعان ەڭ جاس ورتالىق. مامانداردىڭ بىلىكتىلىگىن ارتتىرۋ ماقساتىندا مەديتسينالىق ۇزدىك وقۋ ورىندارىمەن بايلانىستامىز. 7 جىلدان بەرى ەمنەكولوگيا، ەكو، كارديو ۆوكسوليارنىي بولىمدەر بويىنشا ۇلكەن جەتىستىكتەرگە جەتتىك. ايەلدەردە كەزدەسەتىن ءتۇرلى جىنىستىق اۋرۋلار، ميوما، جاتىرعا وسكەن ارتىق ەت (كيستا), ەروزيا سياقتى دياگنوزدىڭ بارلىق ءتۇرىن وپەراتسيالىق، لازەرلىك، حيميوتەراپيا نەمەسە فيزيوتەراپيالىق جولدارمەن ەمدەيمىز. ەڭ باستىسى، سۇيەك جىلىك مايىن اۋىستىرۋ وتاسىنداعى جەتكەن جەتىستىكتەرىمىز» دەپ اۋىز تولتىرىپ ايتۋعا بولارلىق ەڭبەكتەرىمەن قاراپايىم جانە قىسقاشا ءبولىستى. جينالىس بارىسىندا ءسوز العان لەۆەنت وعۋزكۋرت (Levent Oguzkurt), تۋنچ بىچكىن (Tunch Bichkin), لاتيف تۇپەوعلۋ (Latif Typeoglu) سەكىلدى دارىگەرلەر دە ورتالىقتىڭ راك، ونكولوگيالىق، ۋرولوگيالىق، راديكولوگيالىق سالاسىنداعى ارتىقشىلىقتارىن جەتكىزدى. سۇيەك جىلىك مايىن اۋىستىرۋ سياقتى كۇردەلى وپەراتسيانىڭ وسى ۋاقىتقا دەيىنگى 7 جىل ىشىندە 100 دەن استامىن جاساپ، 96-97 پايىز ءساتتى اياقتالعانىن دا جاريا ەتتى.

گامماكنايف (Gamma Knife) - الەمدە 4-5 جەردە عانا جاسالاتىن وتە كۇردەلى وتا ءتۇرى. ميداعى ىسىكتى ساۋلە ارقىلى جويۋ. مەديكالپارك بۇل سالا بويىنشا دا ۇلكەن جەتىستىكتەرى ارقىلى الەمدىك ۇزدىك ورتالىقتارمەن يىق تىرەسىپ تۇر. قازاقستاننان دا اۋەلى جاراتقاننىڭ، سودان كەيىن "تۋرمەدا" ارقىلى "مەديكالپارك" اۋرۋحاناسىنىڭ كومەگىنە جۇگىنۋشىلەر كوپتەپ كەزدەسەتىنىن ايتتى. ءبىزدىڭ ەلدەن باراتىن ناۋقاستاردىڭ باسىم كوپشىلىگى - بالالار اراسىندا بەلەڭ العان دتسپ، سۇيەكتىڭ دۇرىس جەتىلمەۋى، ونكولوگيالىق اۋرۋلار، سينوزگارتونيا جانە كۇيىك شالعان تەرىنى قالپىنا كەلتىرۋ، قانتتى ديابەت سياقتى دياگنوزدى ناۋقاستار. ءبىر قىزىعى، تۇركيا ەلىندە قانتتى ديابەت اسا كوپ تارالماعان. سوندىقتان ارنايى ەمدەۋ ورتالىقتارىن اشۋعا قاجەتتىلىك تە جوق ەكەنىن، ەگەر وسى دەرتپەن كەلگەن ناۋقاستار بولسا، ونى ەمدەۋ ەش قيىندىق تۋدىرمايتىنىن جاسىرمادى. ءبارى اللانىڭ قولىندا، دەگەنمەن دارىگەرلەردىڭ دە مۇمكىندىگى زور مىنا زاماندا قولدان كەلگەنشە اۋىرماۋعا تىرىسىپ، دۇرىس تاماقتانىپ، سپورتپەن شۇعىلدانىپ، سالاۋاتتى ءومىر سالتىن قالىپتاستىرۋ اسا قاجەت. اۋىرعان كۇننىڭ وزىندە سەنىمدى ورتالىقتا ەمدەلگەنگە نە جەتسىن! دارىگەرلەرگە تابىس، ادامزاتقا دەنساۋلىق تىلەپ، جينالىستى اياقتادىق.

ەكى كۇندىك ساپارىمىز تىم قىسقا بوپ كورىنگەنىمەن، بىرنەشە جينالىس وتكىزىپ، اۋرۋحانالارداعى زاماناۋي مۇمكىندىكتەرمەن تانىستىرىپ، شاھاردىڭ كيەلى ورىندارىندا قىدىرتىپ، ەڭ باستىسى، ساپالى ءارى قولجەتىمدى ساۋدا دۇكەندەرىن ارالاتىپ ۇلگەرگەن ۇيىمداستىرۋشىلاردىڭ شەبەرلىگىنە تاڭ قالىسىپ، قۋانىشپەن، زور قيماستىقپەن ەلگە ورالدىق. ستامبۋلدىڭ سۇلۋلىعىنا تويۋ مۇمكىن بە؟!.

ءمولدىر ايتباي

الماتى-ستامبۋل-انتاليا-الماتى

Abai.kz