ارمەنيا ارمياسى ازەربايجان مايدان جەلىسىنە شابۋىلدادى دەپ حابارلايدى تۇركيانىڭ TRT ارناسى ازەربايجان قورعانىس مينيسترلىگىنىڭ مالىمدەمەسىنە سۇيەنە وتىرىپ.  ارميان اسكەرلەرى ازەربايجانعا  زەڭبىرەكپەن شابۋىلداپ، زىمىرانداردان وق اتقان. ارميان اسكەرلەرىنىڭ زەڭبىرەك جانە زىمىراندارمەن جاساعان شابۋىلىندا 1 ازەربايجان اسكەرى شەيىت بولدى.

ازەربايجان قورعانىس مينيسترلىگى قازاق ايماعىنداعى مايدان جەلىسىندە شىققان قاقتىعىستا 6 ارميان اسكەرىنىڭ كوز جۇمعانىن جاريالادى. ولار  مينالار كومىلگەن اۋماقتان ازەربايجان قورعاندارىنا وتۋگە ۇمتىلعان كورىنەدى.

مينيسترلىكتىڭ مالىمدەمەسىندە ازەربايجان ارمياسىنىڭ مايدان جەلىسىن باقىلاۋدا ۇستاپ تۇرعانى جانە ارميان اسكەرلەرىنىڭ شابۋىلدارىنا تويتارىس بەرۋگە دايىن ەكەنى ايتىلادى.

اباي-اقپارات