الماتى قالاسى، تۇركسىب اۋدانى پروكۋراتۋراسىنىڭ كامەلەتكە تولماعانداردىڭ قۇقىقتارىن قورعاۋ بويىنشا موبيلدىك توبى، №83 مەكتەپ-گيمنازياسىنىڭ باستاۋىش سىنىپتارىنىڭ مۇعالىمى وقۋشىلاردىڭ اتا-انالارىنان زاڭسىز اقشا جيناۋ بويىنشا بىرنەشە فاكتىلەرىن انىقتادى.

وقۋ جىلى باسىنان اتالعان پەداگوگ وقۋشىلاردىڭ اتا-انالارىنان بىرنەشە رەت اقشا قاراجاتىن جيناپ، كەيىن ءوزىنىڭ قاجەتتىلىگىنە جاراتقانى انىقتالدى. اتاپ ايتقاندا، 2014 جىلدىڭ قىركۇيەك ايىندا مۇعالىم كۇنىنە 15 000 تەڭگە، 2014 جىلدىڭ قاراشا ايىندا مۇعالىمنىڭ تۋعان كۇنىنە 35 000 تەڭگە جينالدى، ال جاڭا جىلدىڭ الدىندا اقشالاي سىيلىق سۇرالعان. سونىمەن قاتار، پەداگوگ وقۋشىلاردىڭ تاربيەسى مەن ءبىلىم بەرۋىن قاجەتتى دارەجەدە جۇزەگە اسىرماعان، سونىڭ سالدارىنان وقۋشىلار مۇعالىم اقىلى نەگىزدە ۇيىمداستىرعان قوسىمشا ساباقتارعا قاتىسۋعا ءماجبۇر بولعان.

قازاقستان رەسپۋبليكاسىنىڭ كونستيتۋتسياسى ازاماتتاردىڭ اقىسىز ءبىلىم الۋ قۇقىعىن كەپىل ەتكەنىن اتاپ وتكەن ءجون. ءبىزدىڭ مەملەكەتىمىزدىڭ نەگىزگى زاڭىنىڭ وسى تالاپتارىنا ساي، جالپى ءبىلىم بەرۋ مەكتەپ وقۋشىلارىنىڭ اتا-انالارىنان كەز كەلگەن اقشا قاراجاتتارىن جيناۋ زاڭسىز بولىپ تابىلادى. قاداعالاۋ اكتىسىن شىعارۋمەن، قابىلدانعان شۇعىل شارالاردىڭ ناتيجەلەرى بويىنشا بويكۇيەز پەداگوگ اتقارىپ وتىرعان قىزمەتىنەن بوساتىلدى، ال مەكتەپ باسشىلارى قاتاڭ تارتىپتىك جازاعا تارتىلدى.

«قازىرگى ۋاقىتتا پروكۋرورلىق قاداعالاۋدىڭ باسىم باعىتتارىنىڭ ءبىرى - بالالار قۇقىقتارىن ساقتاۋدى قامتاماسىز ەتۋ، ول ءبىزدىڭ ەلىمىزدىڭ كونستيتۋتسياسىندا، حالىقارالىق كەلىسىم-شارتتار مەن باسقا دا زاڭداردا بەكىتىلگەن بارلىق قۇقىقتار مەن ەركىندىكتەردى تانۋدى كوزدەيدى. وتكەن جىلى اۋدان پروكۋراتۋراسى وسى باعىتتا 107 زاڭ بۇزۋشىلىق انىقتادى، 16 ۇسىنىس ەنگىزىلدى، سونىڭ ناتيجەسىندە 116 تۇلعا تارتىپتىك جازاعا تارتىلدى، 10 زاڭسىز اكتىلەردىڭ كۇشىن جويۋمەن، 3 نارازىلىق كەلتىرىلدى. 10310 كامەلەتكە تولماعانداردىڭ كونستيتۋتسيالىق قۇقىقتارى قورعالدى، سوماسى 1 673 419 تەڭگەنى قۇرايتىن زياننىڭ ورنى تولتىرىلدى»، - دەپ اتاپ ءوتتى تۇركسىب اۋدانىنىڭ پروكۋرورى تيمۋر اتجانوۆ.

اباي-اقپارات.