ازعىنداعان ءومىر سالتىن بۇكىل ەلگە تاڭۋ كىمگە كەرەك؟
وتكەن قىركۇيەك ايىنىڭ 22-ءسى كۇنى ءماجىلىستىڭ كەڭەيتىلگەن وتىرىسىنا قاتىسقان پرمەر-مينيستر ماسىموۆكە بەكبولات تىلەۋحان باستاعان دەپۋتتار س. يبراگيموۆ، ل. حوچيەۆا، ق. ءۋالي ساۋال جولداپ حابار ارناسىندا كورسەتىلىپ جاتقان «جانىم» اتتى كوپسەريالى ءفيلمنىڭ كوركەمدىك يدەياالىق ءمانى مەن اتالعان كينوتۋىندىعا جۇمسالعان قاراجاتتىڭ كولەمى تۋرالى سۇرادى.
«وسى كينونى جاساعان "مايتالماندارىمىزدىڭ" ماڭىندا بىرەن-ساران ەرىككەن، تويىنعان، توعىشارلار بار شىعار. بىراق، ولاردىڭ ازعىنداعان ءومىر سالتىن بۇكىل ەلگە تاڭۋ كىمگە كەرەك، نەسى ورىندى؟» دەيدى دەپۋتاتتار.
قۇرمەتتى كارىم قاجىمقانۇلى!
"ايعايلاي-ايعايلاي قاسقىردان ۇيات بولدى" - دەپتى باياعىدا بىرەۋ. ايتايىن دەگەنىم، قازاق كينوسى تاعى ءبىر "شەدەۆرمەن" تولىقتى . ارينە تىرناقشانىڭ ىشىندە. شەدەۆرىمىزدىڭ اتى دا ات-اق . "جانىم" دەپ اتالادى. قازاقشا ويلايتىن ادامنىڭ قويعان اتاۋى ەمەس ەكەنى انىق. سيۋجەتىندە سىرا ىشكەن جالاڭبۇت قىز، زيناقور اكە، بەزبۇيرەك بالا، جاسقانشاق انا، بەيادەپ ايەل، اقىماقتاۋ اجە، نەكۋدىشنىي اكادەميك اتا، قارىنداسىمەن كوڭىلدەس اعا، اراسىندا كۇلكىڭدى كەلتىرىپ، ايانىشىڭدى تۋعىزاتىن ميستيكاسىماق بىردەڭەلەر.
وتكەن قىركۇيەك ايىنىڭ 22-ءسى كۇنى ءماجىلىستىڭ كەڭەيتىلگەن وتىرىسىنا قاتىسقان پرمەر-مينيستر ماسىموۆكە بەكبولات تىلەۋحان باستاعان دەپۋتتار س. يبراگيموۆ، ل. حوچيەۆا، ق. ءۋالي ساۋال جولداپ حابار ارناسىندا كورسەتىلىپ جاتقان «جانىم» اتتى كوپسەريالى ءفيلمنىڭ كوركەمدىك يدەياالىق ءمانى مەن اتالعان كينوتۋىندىعا جۇمسالعان قاراجاتتىڭ كولەمى تۋرالى سۇرادى.
«وسى كينونى جاساعان "مايتالماندارىمىزدىڭ" ماڭىندا بىرەن-ساران ەرىككەن، تويىنعان، توعىشارلار بار شىعار. بىراق، ولاردىڭ ازعىنداعان ءومىر سالتىن بۇكىل ەلگە تاڭۋ كىمگە كەرەك، نەسى ورىندى؟» دەيدى دەپۋتاتتار.
قۇرمەتتى كارىم قاجىمقانۇلى!
"ايعايلاي-ايعايلاي قاسقىردان ۇيات بولدى" - دەپتى باياعىدا بىرەۋ. ايتايىن دەگەنىم، قازاق كينوسى تاعى ءبىر "شەدەۆرمەن" تولىقتى . ارينە تىرناقشانىڭ ىشىندە. شەدەۆرىمىزدىڭ اتى دا ات-اق . "جانىم" دەپ اتالادى. قازاقشا ويلايتىن ادامنىڭ قويعان اتاۋى ەمەس ەكەنى انىق. سيۋجەتىندە سىرا ىشكەن جالاڭبۇت قىز، زيناقور اكە، بەزبۇيرەك بالا، جاسقانشاق انا، بەيادەپ ايەل، اقىماقتاۋ اجە، نەكۋدىشنىي اكادەميك اتا، قارىنداسىمەن كوڭىلدەس اعا، اراسىندا كۇلكىڭدى كەلتىرىپ، ايانىشىڭدى تۋعىزاتىن ميستيكاسىماق بىردەڭەلەر.
شىنىمەن، ءبىزدىڭ قازاقستاننىڭ قوعامى وسىنداي ما؟ ەگەر ءمۇيىزى قاراعايداي "حاباردىڭ" ءوزى وسىنداي كينونى كورسەتىپ جاتسا، ياعني سولاي دەۋگە نەگىز بولعانى عوي.
وسى كينونى جاساعان "مايتالماندارىمىزدىڭ" ماڭىندا وسىنداي بىرەن-ساران ەرىككەن، تويىنعان، توعىشارلار بالكي الماتىدا بار شىعار. بىراق، ولاردىڭ ازعىنداعان ء ومىر سالتىن بۇكىل ەلگە تاڭۋ كىمگە كەرەك، نەسى ورىندى؟
كينو سيۋجەتىندەگى انا بالاسىن الدادىم، دەپ بۇكىل باتىس قازاقستاننىڭ ەگىنى كۇيىپ كەتكەننەن ارمەن قايعىرادى. ەندى بىرەۋىسى بولماشى نارسە ءۇشىن، شىعىس قازاقستاننىڭ بارلىق مالى قىرىلىپ قالسا ولاي قايعىرماس. قىمبات ماشينەگە ءمىنىپ بوزبالا ۇيىنەن قاشادى. قازاقستاندىق گەولوگيانىڭ كوريفەيى ينتەرنەتكە كىرۋدى قىزىنان ۇيرەنەدى. كومپيۋتەردە ءارىپ تەرۋ بىلمەيتىن ول قانداي اكادەميك؟ جاي عىلىم كانديداتىنىڭ ء وزى جازۋ ماشيناسىندا فورتوپيانوداعى ريحتەردەي ەمەس پە ەدى؟ قىسقاسى، كينومىزدىڭ ءبىر سيۋجەتى ەكىنشىسىنە قايشى، شىم-شىتىرىق، شيمايقوتىر. لوگيكا دەگەن ۇعىممەن ءابسوليۋتتى تۇردە شاتاعى جوق، كينو ەمەس- قويىرتپاق، ەلدى مازاقتاۋ، جۇرتتى اقىماق قىلۋ!
قازاقستاندىق كورەرمەندەر جاقسى بىلەدى رەسەيدىڭ " موسكوۆسكايا ساگا" دەگەن تەلەسەريالى شىقتى. ءبىر اۋلەتتىڭ شەجىرەسى ارقىلى، ەل تاريحىن بەينەلەگەن بۇل فيلم، ءبىر اۋلەتتىڭ باسىنا تۇسكەن ناۋبەت ارقىلى ەلدىڭ باسىنا كەلگەن ناۋبەتتى جەكە ادامنىڭ تراگەدياسى ارقىلى ەل قاسىرەتىن تاماشا بايانداي بىلگەن. باۋىرمالدىق، قايسارلىق، ماحاببات، پسيحولوگيالىق شيرىعۋلار، ساتقىندىق، مەيىرىم، ءومىر بۇرالاڭدارى ءبارى-ءبارى قانداي شەبەر قامتىلادى. تاعىلىمى، تاربيەلىك ءمانى زور، تاريحي اقپاراتتى دا سونداي اسەرلى بەرە بىلگەن. نەگە وسىنداي فيلمدەردەن ۇلگى الماسقا؟ رەسەيدىڭ "گروموۆى" فيلمى قانداي؟ مىنا كارىستىڭ تاريحي تاقىرىپتا تۇسىرگەن ارزان فيلمىندەگى پاتريوتتىق نەگە بىزدە جوق؟ "قازاقستان" تەلەارناسى "استاناعا كوكتەم كەش كەلەدى "، "اعايىندىلار" كينولارىن كورسەتىپ، ءبىراز ەلدى سەرپىلتىپ تاستاپ ەدى. ال، "حاباردىڭ" فيلمى مىناۋ!
وسىعان بايلانىستى قادىرلى ۇكىمەت!
1. مەملەكەتتىك تەلەارنالاردا كورسەتەتىن بۇقارا ساناسىنا اسەر ەتەتىن كەز كەلگەن كينوتۋىندى، قانداي دا ءبىر حابار بولسىن ءبىرلى-جارىم باق جەتەكشىلەرىنىڭ شەشىمىمەن ەمەس، ەلدىڭ زيالى قاۋىمىنان قۇرالعان كوركەمدىك كەڭەستىڭ سۇزگىسىنەن ءوتىپ بارىپ، جارىق كورۋگە ءتيىس. اسىرەسە، پرايم-تايم ەڭ ۇتىمدى ۋاقىتقا قويىلاتىن حابارلارعا ەرەكشە نازار اۋدارىلۋى قاجەت دەپ ويلايمىن.
2. وسى كينوعا جۇمسالعان قاراجاتتىڭ كولەمى قانشا؟
3. ەلدىڭ ساناسىنا ءبىز نە قۇيىپ جاتىرمىز، ۇرپاققا نە تاربيە بەرىپ جاتىرمىز؟ العاشقى 7 سەرياسى مىناۋ بولسا، الدا تاعى قانداي پالە، نە سۇمدىق كۇتىپ تۇرعانىن قۇداي بىلەدى. مەملەكەتتىك ارنادان مىنانداي كينونى كورسەتۋدى توقتاتۋدى سۇرايمىز.
ەلباسىمىز ن.ءا. نازارباەۆ " كينو دەگەنىمىز بارلىعى. كينو بۇل - يدەولوگيا، كينو بۇل- ساۋىق، كينو بۇل- باق، كينو بۇل- پاتريوتيزم. ءبىز - جاس مەملەكەتپىز، اسىرەسە جاس ۇرپاقتى پاتريوتتىق رۋحتا تاربيەلەۋىمىز كەرەك" دەمەپ پە ەدى. ال بۇل كينونىڭ ىشىندە قانداي يدەولوگيا بار؟ قارىنداسى مەن اعاسىنىڭ "كوڭىلدەستىگى" يدەولوگيا بولىپ پا؟ يا بولماسا، اكادەميكتىڭ تۇرتىنەكتەپ كومپيۋتەر تەرە الماي وتىرعاندىعى پاتريوتيزم بولىپ پا؟ سىرا ىشكەن جەڭىلتەك قىز دا ساۋىق پا ەكەن؟ قازاقشاسى شالا ادامدار باق بولىپ پا؟ سوندىقتان دا وسى كينو ماسەلەسىنە قايتا ورالىپ، ءتيىمدى شەشىم قابىلداۋىڭىزدى وتىنەمىز.
فوتو: news.nur.kz
