اقش سەناتى رەسەيدى پرەزيدەنتتىك سايلاۋعا ارالاستى دەپ ايىپتادى
اقش سەناتىنىڭ بارلاۋ جونىندەگى كوميتەت توراعاسىنىڭ ورىنباسارى مارك ۋورنەر رەسەي بيلىگىن وتكەن جىلعى پرەزيدەنتتىك سايلاۋعا ارالاسۋعا تالپىندى دەپ ايىپتادى.
بۇل تۋرالى سەناتور رەسەيدىڭ سايلاۋعا ارالاسۋ مۇمكىندىگى جونىندەگى تىڭداۋلاردا مالىمدەدى. اشىق تىڭداۋدا اق ءۇي باسشىسى دونالد ترامپ جاقتاستارىنىڭ ماسكەۋمەن بايلانىسى تۋرالى ماسەلە دە قوزعالدى.
بارلاۋ كوميتەتىنىڭ باسشىسى ريچارد بارردىڭ ايتۋىنشا، كيبەرشابۋىلدار تۋرالى مىڭداعان قۇجات بار. ولاردى زەرتتەۋگە بىرنەشە اپتا قاجەت.
6 قاڭتاردا اقش-تىڭ بارلاۋ قاۋىمداستىعى رەسەي پرەزيدەنتى ۆلاديمير پۋتين پرەزيدەنتتىك سايلاۋدا ترامپقا كومەكتەسۋ ءۇشىن دەموكراتيالىق پارتياعا حاكەرلىك شابۋىل جاساۋعا تاپسىرما بەرگەن دەپ حابارلادى. كرەمل كيبەرشابۋىلدارعا قاتىسىمىز جوق دەپ وتىر.
اباي-اقپارات
