قازاقستاننىڭ ءۇشىنشى جاڭعىرۋى نەمەسە  جاھاندىق باسەكەگە قابىلەتتىلىك تاقىرىبىنداعى پرەزيدەنت جولداۋى جانە ەلدەگى ساياسي رەفورمالار

2017 جىلى قاڭتارداعى قازاقستان پرەزيدەنتى ن.نازارباەۆتىڭ «قازاقستاننىڭ ءۇشىنشى جاڭعىرۋى نەمەسە  جاھاندىق باسەكەگە قابىلەتتىلىك» دامۋ كونتسەپتسياسى قازاقستاننىڭ الەمدەگى كوشباسشى 30 ەلدىڭ قاتارىنا ەنۋگە باعىتتالعان ناقتى قادامدارى كورسەتىلگەن جولداۋ ەكەندىگى ايقىندالدى.

جولداۋداعى بەس باعىت قازاقستان مەملەكەتىنىڭ جاقىن بولاشاقتاعى دامۋىنىڭ باستى بەس نىساناسى ەكەندىگىن اتاپ وتكىم كەلەدى.

جولداۋداعى باستى باعىتتاردىڭ ءبىرى ەرەكشەلىگىنە توقتالا كەتسەم،  «ەۋرازيا لوگيستيكا ينفراقۇرىلىمى» دامۋ ماسەلەسىنە دۇرىس نازار اۋدارىلعان دەپ ەسەپتەيمىن. بۇل موڭعوليا ءۇشىن نازار اۋداراتىن باستى ماسەلەلەردىڭ بىرەۋى. وكىنىشكە وراي ءبىز موڭعوليا ارقىلى اۋە، اۆتو، تەمىر جول ءترانزيتىن دامىتۋ لوگيستيكاسى تۋرالى ايتقالى كوپ ۋاقىت وتسە دە جۇزەگە اسىرا الماي كەلە جاتىرمىز.

سونداي-اق، ەنەرگەتيكا، ترانسپورت، لوگيستيكا، تۇرعىن ءۇي قىزمەتى باعا تاريفىن سەكىلدىلەردى بەلگىلى مولشەردە تومەندەتۋ باعىتىنداعى كەشەندى شارالارعا دۇرىس نازار اۋدارىلعان. مەملەكەت-جەكەمەنشىك سەكتورىنىڭ سەرىكتەستىگىن كەڭەيتۋ، ءجىو-دەگى مەملەكەت ۇلەسىن 15 پايىزعا دەيىن تومەندەتۋ جانە ءبىلىم جۇيەسىن جەتىلدىرۋ، ونىڭ ىشىندە جاپپاي تەگىن تەحنيكالىق-ماماندى ءبىلىم بەرۋ ماسەلەلەرى موڭعوليا جانە ورتا ازيانىڭ باسقا دا مەملەكەتتەرىنە وزەكتى بولىپ وتىر.

قازاقستان تاۋەلسىزدىگىن جاريالاعان 25 جىلىندا باسقا ەلدەردىڭ جۇزدەگەن جىلدارى ءجۇرىپ وتكەن كەزەڭى، بولاشاقتا اۋىرتپاشىلىق، قيىندىقتاردى ەڭسەرۋگە لايىقتى جوسپار - «قازاقستاننىڭ ءۇشىنشى جاڭعىرۋى نەمەسە  جاھاندىق باسەكەگە قابىلەتتىلىك» جولداۋى بولىپ تابىلاتىندىعى ءسوزسىز.

قر پرەزيدەنتى ن.نازارباەۆتىڭ مەملەكەتتىڭ باسقارۋ تەتىگىن جەتىلدىرۋ، حالىقتىڭ ءال-اۋقاتىن ارتتىرۋ جولىنىڭ كوزى رەتىندە جاڭاشا رەفورمالار جۇرگىزۋدى قولعا الۋى كورەگەندىك دەپ بىلەمىن. جاقىندا عانا قازاقستاندا جۇزەگە اسىرىلعان كونستيتۋتسياعا وزگەرىس ەنگىزۋ قادامدارى مەملەكەت باسشىلىعىنىڭ زامان تالابىنا ساي ارەكەتتەرگە بارۋدا ەكەنىن كورسەتىپ وتىر. بۇل مىندەتتى تۇردە قازاقستاننىڭ دامۋىندا ۇلكەن ءرول اتقاراتىندىعىنا كۇمان جوق.

جالپى العاندا ەكسپورتتىڭ باسىم بولىگىن قۇرايتىن مۇناي، گاز، مىس، التىن سەكىلدى باستى شيكىزات كوزدەرىنە الەمدىك نارىقتاعى باعانىڭ تومەندەۋى جاعدايىندا قازاقستان ەكونوميكاسىنىڭ وزىندىك قورى، الەۋەتى بار ەكەندىگىن كورسەتىپ وتىر. قازىرگى الەمدىك دامۋ جاعدايىندا ەكونوميكانىڭ 1 پايىزدىق ءوسىمى جاقسى كورسەتكىش دەپ سانالاتىندىعى  دا سونىڭ دا ءبىر دالەلى.

وسى ورايدا قازىرگى قيىن كەزەڭدە «ەكسپو-2017»، «ۋنيۆەرسيادا-2017» سەكىلدى حالىقارالىق ءىس-شارالاردى ۇيىمداستىرىپ جاتقاندىعى قازاقستاننىڭ مۇمكىنشىلىگى زور ەكەندىگىن كورسەتۋدە. بۇل جوبالاردى جۇزەگە اسىرۋ بارىسىندا قازاقستان ءوزىن الەمگە تانىتۋ سيپاتىنان عانا ەمەس، كەرىسىنشە وسى ءىس-شارالار ناتيجەسىندە ينۆەستيتسيا تارتا وتىرىپ، دۇنيەجۇزى قاۋىمداستىعىنىڭ سەنىمىنە يە بولىپ وتىر.

ك.دەمبەرەل – دوكتور (Ph.D), موڭعوليانىڭ عىلىم اكادەمياسىنىڭ حالىقارالىق قاتىناستار ينستيتۋتىنىڭ اعا مامانى، ورتا ازيا ەلدەرى بويىنشا زەرتتەۋ ورتالىعىنىڭ كوورديناتورى

Abai.kz