ۇكىمەت وتىرىسى بارىسىندا قر پرەمەر-ءمينيسترى باقىتجان ساعىنتاەۆ سۋ تاسقىنى قاۋپىنە ۇشىراۋى مۇمكىن وڭىرلەردى قاۋىپسىزدىكپەن قامتاماسىز ەتۋ شارالارى جونىندەگى باياندامالاردى تىڭداپ، اكىمدەرگە جاعدايدى باقىلاۋدا ۇستاۋدى تاپسىردى.

قر پرەمەر-ءمينيسترى باقىتجان ساعىنتاەۆ ۇكىمەت وتىرىسىن اشا وتىرىپ، كۇن تارتىبىنە توقتالماستان بۇرىن، قازاقستانداعى سۋ دەڭگەيىنىڭ كوتەرىلۋى ماسەلەسىنە توقتالدى جانە قر ىشكى ىستەر ءمينيسترى ق. قاسىموۆتىڭ، سونداي-اق، قاراعاندى، قوستاناي، اقمولا، سولتۇستىك قازاقستان جانە شىعىس قازاقستان وبلىستارىنىڭ اكىمدەرىنىڭ اعىمداعى سۋ دەڭگەيىنىڭ كوتەرىلۋ جاعدايى مەن توتەنشە جاعدايلاردى ەسكەرتۋ شارالارى تۋرالى باياندامالارىن تىڭدادى.

«قۇرمەتتى ارىپتەستەر، جەرگىلىكتى ورىندارداعى جاعدايدى باقىلاۋدا ۇستاۋدى تاپسىرامىن، ۇيلەستىرۋ جۇمىستارىنا اسقار ۇزاقبايۇلى جاۋاپتى (مامين – قر پرەمەر-ءمينيسترىنىڭ ءبىرىنشى ورىنباسارى)»، - دەدى ب. ساعىنتاەۆ.

ەسكە سالا كەتەيىك، بۇعان دەيىن قاراعاندى وبلىسىندا ورىن العان قايعىلى جاعداي تۋرالى بەلگىلى بولدى، ناتيجەسىندە قارقارالى اۋدانىنىڭ نۇركەن ءابدىروۆ اتىنداعى اۋىلىندا ەكى اعايىندىنى قوپا وزەنىنىڭ اعىسى الىپ كەتكەن بولاتىن.

Abai.kz