ەلىمىزدىڭ ۇلت كوشباسشىسى نۇرسۇلتان نازارباەۆتىڭ ەل مەن جەردىڭ يگىلىگى ءۇشىن قالىڭ بۇقارا حالقىمىزعا ارناعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جاھاندىق جولداۋىندا، تاۋەلسىز ءارى دارحان مەملەكەتىمىزدىڭ ءۇشىنشى جاڭعىرۋىنا قادام باسقانىڭ ايرىقشا اتاپ ءوتتى.

بۇل اتاۋلى ءارى تولاعاي قۇجات قازاقستاننىڭ شيرەك عاسىر ىشىندە دۇنيەجۇزىنىڭ الپاۋىت ەلدەرىمەن تەڭ دارەجەدە يىق تىرەستىرە الاتىن دەڭگەيگە جەتىپ، ەل مۇددەسى ءۇشىن ءبىرتالاي ماڭىزدى ىستەردى ىسكە اسىردى. ءسويتىپ، قازاقستاندا جاھاندىق دەڭگەيدە دامۋدىڭ بەتكە ۇستار وزىندىك مودەلى قالىپتاستى.

قازىرگى تاڭدا ەلجاندى وتانداستارىمىزدىڭ كوكىرەگىندە ءوز ەلىنە دەگەن شەكسىز ماقتانىش پەن ريزاشىلىق سەزىمى ورناپ، ەل كەلەشەگىنە زور سەنىممەن قاراۋدا. بۇنى ەستۋ مەن ءبىلۋدىڭ ءوزى «ەل دەسە، ىشكەن اسىن جەرگە قوياتىن» حالقىم ءۇشىن ءبىر عانيبەت.

«حالقىم – قازىنام، قازانىم» دەمەكشى، اتالعان جولداۋ قازىرگى جاھاندىق داعدارىستى ءتيىمدى جولدارمەن ەڭسەرۋ ماقساتىندا ءتۇرلى ۇسىنىستار ەنگىزىپ، ەل ەكونوميكاسىن دامىتىپ، الەۋمەتتىك حال-احۋالىن تۇراقتاندىرۋ مەن قاۋىپسىزدىگىن كۇشەيتۋگە جاڭا سەرپىن مەن دەم بەرىپ، جاعىمدى ىقپال ەتەرى ءسوزسىز.

وسىعان وراي، ەلباسىمىزدىڭ جولداۋىندا كوزدەلگەن بەس نەگىزگى باسىمدىقتاردىڭ ىشىندەگى ەل قاۋىپسىزدىگىن كۇشەيتۋگە ارنالعان ءۇشىنشى باسىمدىعىنا جەكە توقتالىپ كەتسەم.

اتالعان باسىمدىقتا، بۇگىنگى كۇننىڭ الەم ساحناسىندا بەلەڭ العان «تەرروريزم مەن ەكسترەميزم» دەگەن عاسىر ىڭدەتىمەن بەلسەندى كۇرەس جۇرگىزۋ ماسەلەسىنە ەرەكشە كوڭىل بولىنگەن. بۇل جونىندە مەملەكەت باسشىسى ءوز جولداۋىندا، «بۇل رەتتە دەسترۋكتيۆتى كۇشتەردى قارجىلاندىراتىندارعا، شەتەلدىك تەرروريستىك ۇيىمدارمەن بايلانىس جاسايتىندارعا قارسى كۇرەس جۇرگىزۋ ءىسى نەگىزگى ماسەلە بولىپ سانالادى», دەپ اتاپ وتكەن بولاتىن.

سونىمەن قاتار، جولداۋدا عالامتور مەن الەۋمەتتىك جەلىنى ەكسترەميستىك ارەكەتتەرگە تارتۋ مەن ءداستۇرلى دىنگە جات يدەولوگيانى ناسيحاتتاۋ قۇرالى رەتىندە پايدالاناتىن لاڭكەستەردىڭ جولىن الدىن الا كەسىپ، ناقتى تويتارىس بەرۋ جۇمىستارى ايقىندالعان.

وسى ورايدا اسا ماڭىزدى ءارى ەرەكشە نازار اۋدارالىق ءجايت، ەلباسىمىز ءدىن سالاسىنداعى كەز كەلگەن راديكالدى كوقاراستىڭ سالدارىنان پايدا بولعان ولقى ارەكەتتەرگە «مۇلدە توزبەۋشىلىكتى» قالىپتاستىرۋ جايلى ءسوزى.            سونداي-اق، جولداۋدا باس بوستاندىعىنان ايىرۋ ورىندارىندا جازاسىن وتەپ جاتقان سوتتالۋشىلاردىڭ ءدىني ساۋاتتىلىعىن ارتتىرۋ بويىنشا ماقساتتى جۇمىستار جۇرگىزۋ مەن بولاشاق ۇرپاققا رۋحاني-ادامگەرشىلىك تاربيە بەرۋ ماقساتىندا قوسىمشا قادامدار جاساۋ، سونداي-اق مەملەكەتتىك ەمەس سەكتور مەن ءدىني بىرلەستىكتەردى تارتۋ جونىندە ناقتى ۇسىنىستار مەن ىسكە اسىرۋ جوبالارى ورىن العان.

قازىرگى تاڭدا، قر پرەزيدەنتىنىڭ تاپسىرماسى بويىنشا اتالعان ۇسىنىستار، «قازاقستان رەسپۋبليكاسىنداعى ءدىني ەكسترەميزم مەن تەرروريزمگە قارسى ءىس-قيمىل جونىندەگى 2017 – 2020 جىلدارعا ارنالعان مەملەكەتتىك باعدارلامادا» تولىققاندى ەسكەرىلىپ، قارقىندى تۇردە جۇزەگە اساتىنىنا ەش كۇمانىم جوق.

قورىتا كەلە، بۇكىل قازاقستان حالقىنا زور جاۋاپكەرشىلىك پەن كۇش-قۋات تالاپ ەتەتىن ەلباسىمىزدىڭ جولداۋى، «جۇمىلا كوتەرگەن جۇك جەڭىل» دەگەن دانا حالقىمىزدىڭ قاناتتى ءسوزىن باسشىلىققا الىپ، ەل بولاشاعى مەن يگىلىگى ءۇشىن جاڭا ءداۋىردىڭ جاھاندىق جولداۋىندا كوزدەلگەن بارشا مىندەتتەردى ەسەلى ەڭبەك، بىرلىك پەن ىنتىماق ارقاسىندا جۇزەگە اسىرا الاتىنىمىزعا كامىل سەنەمىن.

سوندىقتان دا ەلباسى ن.ءا.نازارباەۆ حالقىنا جولداعان بيىلعى جولداۋىندا، «بولاشاعىن ايقىنداپ، سىن-قاتەرلەردى كۇتىپ وتىرماستان، وعان تاباندى تۇردە قارسى تۇرا الاتىن حالىق قانا جەڭىسكە جەتەدى», دەگەن ءسوزىن جادىمىزعا ءتۇيىپ، ەل ىرىسى ءۇشىن قىزمەت ەتىپ، ارتىلعان يگى باستامالار مەن ىزگى ءۇمىتتى اقتاۋعا بار كۇشىمىزدى سالعانىمىز ابزال.

ەلىمىز امان، جۇرتىمىز تىنىش بولعاي!

ءابۋوۆ ا.پ.

قر دىاقم دىك مادەنيەتتەر مەن دىندەردىڭ حالىقارالىق

ورتالىعىنىڭ ديرەكتورى، ف.ع.د. پروفەسسور

Abai.kz