كەڭەس القاسىنىڭ توراعاسى تيگران ساركيسيان جينالىستى باستار الدىن سانكت-پەتەربۋرگتەگى تەررورلىق شابۋىلعا بايلانىستى كوڭىل ايتتى: "ادامزاتقا جاسالعان مۇنداي قاستاندىقتى ەش اقتاۋعا بولمايدى", - دەپ مالىمدەدى ساركيسيان.

ەۋرازيالىق ەكونوميكالىق كەڭەسىنە مۇشە ەلدەردىڭ ۆيتسە-پرەمەرلەرى كەدەندىك ارىپتەستىك پەن ساۋدا ساياساتىنا قاتىستى ماسەلەلەردى تالقىلادى. اسىرەسە ءۇشىنشى ەلدەرمەن حالىقارالىق ەكونوميكالىق ارىپتەستىك تاقىرىبىنا ەرەكشە كوڭىل ءبولىندى.

كەڭەس ەلدەرىنىڭ پرەزيدەنتتەرى رەگلامەنتتەگى وزگەرىستەردى بەكىتكەن جاعدايدا، ۇيىم كەڭەسىنە كەدەندىك باقىلاۋ سالاسىندا بىرقاتار جاڭا قۇزىرەتتەر جۇكتەلەتىن بولادى. مۇنداي وزگەرىستەر ۇيىمنىڭ كەدەندىك كودەكسىمەن ءبىر ۋاقىتتا ەنگىزىلەدى.

بىشكەكتەگى جينالىستا جوعارعى ەۋرازيالىق ەكونوميكالىق كەڭەس مولدوۆاعا ۇيىمدا باقىلاۋشى مارتەبەسىن بەرۋ ءوتىنىشى قارالادى. بۇعان قوسا يرانمەن قارىم-قاتىناس تاقىرىبى تالقىلانادى.

اباي-اقپارات