«ايتپاركتىڭ» ەگەسى، ەرىنبەي سويلەپ باعاتىن ەرىمبەتوۆتىڭ كەزەكتى قوناعى بولىپ جەلپىنىپ قايتقان سەناتور عاني قاسىموۆ ءوزىن سايقىمازاق دەگەنگە ىرزا بولىپ قالاتىنىن، وسى ءبىر ءسوزدى جانى جاقسى كورەتىنىن جۇرتقا جايىپ سالدى. سونىمەن، ءبىزدىڭ گەنەرال قاسىموۆ بىرقاتار ساۋالدارعا جاۋاپ بەرگەن بولىپتى. ونىڭ ىشىندە پەتروپاۆەل قالاسىنىڭ اتاۋىن قىزىلجار دەپ وزگەرتۋ ماسەلەسى استانادا ەمەس، جەرگىلىكتى جەردە تۇرعىندارىدىڭ كەلىسىمىمەن شەشىلۋى كەرەك دەپ بۇيرەگى، تۋماسا دا تۋعانداي بولعان «تىلدەستەرىنە» تارتاتىنىن ءبىلدىرىپ قويىپتى. كەدەندىك وداققا ەنۋ - قازاقستانعا ەكونوميكالىق جاعىنان ءتيىمدى دەپ كورىپكەلدىك جاساعان سەناتور ءوزىنىڭ تاڭىرشىلدىكتى ۇستاناتىنىن قۋانا حابارلاعان.

«ايتپاركتىڭ» ەگەسى، ەرىنبەي سويلەپ باعاتىن ەرىمبەتوۆتىڭ كەزەكتى قوناعى بولىپ جەلپىنىپ قايتقان سەناتور عاني قاسىموۆ ءوزىن سايقىمازاق دەگەنگە ىرزا بولىپ قالاتىنىن، وسى ءبىر ءسوزدى جانى جاقسى كورەتىنىن جۇرتقا جايىپ سالدى. سونىمەن، ءبىزدىڭ گەنەرال قاسىموۆ بىرقاتار ساۋالدارعا جاۋاپ بەرگەن بولىپتى. ونىڭ ىشىندە پەتروپاۆەل قالاسىنىڭ اتاۋىن قىزىلجار دەپ وزگەرتۋ ماسەلەسى استانادا ەمەس، جەرگىلىكتى جەردە تۇرعىندارىدىڭ كەلىسىمىمەن شەشىلۋى كەرەك دەپ بۇيرەگى، تۋماسا دا تۋعانداي بولعان «تىلدەستەرىنە» تارتاتىنىن ءبىلدىرىپ قويىپتى. كەدەندىك وداققا ەنۋ - قازاقستانعا ەكونوميكالىق جاعىنان ءتيىمدى دەپ كورىپكەلدىك جاساعان سەناتور ءوزىنىڭ تاڭىرشىلدىكتى ۇستاناتىنىن قۋانا حابارلاعان.
ءوزىن سايقىمازاق دەپ اتاعاندى جەك كورمەيتىن عاني قاسىموۆتان جانە ونىڭ وتكىر ماسەلەلەرگە بەرگەن جاۋابىنان ءبىز بۇگىنگى قازاق بيلىگىنىڭ كەلبەتىن ونىڭ بولمىسىن بايقايمىز. ساياساتتاعى جولىن ستاقان سىندىرۋدان باستاعان گەنەرال قاسىموۆ بيلىكتىڭ دالىزىنەن قۋسادا كەتپەيتىن شىنىمەندە، ساراي سايقىمازاعى سياقتى. مىنە، ءبىزدىڭ پارلامەنتتەگى ەل ءسوزىن ايتادى، جۇرت ماسەلەسىن شەشەدى دەگەن سەركەلەرىمىزدىڭ سىيقى. ايتەۋىر، بيلىكتىڭ كەمەسىنەن كەتىرىپ جىبەرمەس ءۇشىن ءتۇرلى بەينەگە ەنىپ ەتى ۇيرەنگەن جانە سول بەينەلەرىنە ءوزى سەنىپ كەتكەن عاني قاسىموۆ مىرزا كۇنى كەشە جاس قىز زورلاعانداردى اتەك ەتىپ تاستاۋ كەرەك دەگەندى سەناتتىڭ تورىنەن ايتىپ ايدى اسپانعا ءبىر-اق شىعاردى. مىنە، بيلىكتىڭ كەلبەتى جانە ونىڭ تاڭداۋلىلارىن، ولاردىڭ دانىشپان ويلار تاماشالاعىڭىز كەلسە!
نەگىزى مىنا تۇرىمەن عاني قاسىموۆ ساياساتتى قويىپ، تسيرككە ءبىرجولا اۋىسىپ السا، ەشكىم جوقتاي قويماس. قۋانباسا. ءتىپتى، قاسىموۆتىڭ تالانتى تسيركتى جاڭا ءبىر بەلەسكە شىعارماسىنا كىم كەپىل؟!
ايتپاقشى، ساراي سايقىمازاعى دەگەندە، نەگە ەكەنىن قايدام، ەسىمىزگە ەرمۇحامەت ەرتىسباەۆ ءتۇسىپ كەتتى...

“اباي-اقپارات”