الماتى. 2 ماۋسىم. قازتاگ – قىرعىزستانداعى ەڭ جوعارعى قىزمەتكە ەكى ۇمىتكەر مەملەكەتتىك ءتىل ءبىلۋ بويىنشا مىندەتتى ەمتيحاننان وتە الماي، جارىستان شىعىپ قالدى، دەپ حابارلايدى «ريا نوۆوستي». اگەنتتىككە رەسپۋبليكانىڭ ورتالىق سايلاۋ كوميسسياسىنان حابارلاعانداي، ءتىل بويىنشا «قاناعاتتانارلىق ەمەس» دەگەن باعا العاندار – كاسىپكەر قۇتمانبەك ەشەنباەۆ جانە وتستاۆكاداعى پراپورششيك ازامات ۋلاماەۆ.

«مەملەكەتتىك تەلەارنا ارقىلى كورسەتىلەتىن مىندەتتى ەمتيحاننان ءوتۋ ءۇشىن كانديداتتار وزدەرىنىڭ سايلاۋ الدى باعدارلاماسىن قىرعىز تىلىندە جازباشا جانە اۋىزشا بايانداۋعا ءتيىس. «شىعارمانىڭ» ەڭ كىشكەنتاي كولەمى 100 سوزدەن كەم بولماۋعا ءتيىس، وندا كانديدات 12 قاتەدەن ارتىق قاتە جىبەرمەۋگە ءتيىس»، - دەپ اتاپ كورسەتەدى اگەنتتىك.

سونداي-اق، ۇمىتكەر كوركەم شىعارمادان داۋىستاپ ءۇزىندى وقۋعا ءتيىس. كوميسسيا قاتەلەردى عانا ەمەس، كانديداتتىڭ ءسوز قورىن، اكتسەنتىن جانە ديكتسياسىن باعالايدى. باعالاۋ شكالاسى كەلەسىدەي: كانديدات قىرعىز ءتىلىن بىلەدى دەپ تانىلادى نەمەسە ەمتيحاندى تاپسىرماعان بولىپ ەسەپتەلەدى.

ەمتيحان كوميسسياسىنىڭ توراعاسى تاشبوو جۇماعۇلوۆ جۋرناليستەرگە ەشەنباەۆتىڭ جازباشا جۇمىسىندا جىبەرىلگەن قاتەلەردى اتاپ كورسەتۋگە دە ىڭعايسىز" دەپ ءمالىم ەتتى. ۋلاماەۆ قاتەلەرىنىڭ سانى دا جاريالانباي وتىر.

الماتى. 2 ماۋسىم. قازتاگ – قىرعىزستانداعى ەڭ جوعارعى قىزمەتكە ەكى ۇمىتكەر مەملەكەتتىك ءتىل ءبىلۋ بويىنشا مىندەتتى ەمتيحاننان وتە الماي، جارىستان شىعىپ قالدى، دەپ حابارلايدى «ريا نوۆوستي». اگەنتتىككە رەسپۋبليكانىڭ ورتالىق سايلاۋ كوميسسياسىنان حابارلاعانداي، ءتىل بويىنشا «قاناعاتتانارلىق ەمەس» دەگەن باعا العاندار – كاسىپكەر قۇتمانبەك ەشەنباەۆ جانە وتستاۆكاداعى پراپورششيك ازامات ۋلاماەۆ.

«مەملەكەتتىك تەلەارنا ارقىلى كورسەتىلەتىن مىندەتتى ەمتيحاننان ءوتۋ ءۇشىن كانديداتتار وزدەرىنىڭ سايلاۋ الدى باعدارلاماسىن قىرعىز تىلىندە جازباشا جانە اۋىزشا بايانداۋعا ءتيىس. «شىعارمانىڭ» ەڭ كىشكەنتاي كولەمى 100 سوزدەن كەم بولماۋعا ءتيىس، وندا كانديدات 12 قاتەدەن ارتىق قاتە جىبەرمەۋگە ءتيىس»، - دەپ اتاپ كورسەتەدى اگەنتتىك.

سونداي-اق، ۇمىتكەر كوركەم شىعارمادان داۋىستاپ ءۇزىندى وقۋعا ءتيىس. كوميسسيا قاتەلەردى عانا ەمەس، كانديداتتىڭ ءسوز قورىن، اكتسەنتىن جانە ديكتسياسىن باعالايدى. باعالاۋ شكالاسى كەلەسىدەي: كانديدات قىرعىز ءتىلىن بىلەدى دەپ تانىلادى نەمەسە ەمتيحاندى تاپسىرماعان بولىپ ەسەپتەلەدى.

ەمتيحان كوميسسياسىنىڭ توراعاسى تاشبوو جۇماعۇلوۆ جۋرناليستەرگە ەشەنباەۆتىڭ جازباشا جۇمىسىندا جىبەرىلگەن قاتەلەردى اتاپ كورسەتۋگە دە ىڭعايسىز" دەپ ءمالىم ەتتى. ۋلاماەۆ قاتەلەرىنىڭ سانى دا جاريالانباي وتىر.

قىرعىزستاندا پرەزيدەنتتىك سايلاۋ 23 شىلدەدە وتەدى. مەملەكەتتىك تىلدەن ەمتيحاندى التى ۇمىتكەر تاپسىردى، ولاردىڭ قاتارىندا ەكىنشى مەرزىمگە سايلاۋعا ءتۇسىپ جاتقان ەل پرەزيدەنتى قۇرمانبەك باكيەۆ بار. «ەكى العاندار» جارىستان شىعىپ قالعان سوڭ، پرەزيدەنتتىڭ ورىنتاعى ءۇشىن 12 ادام تالاسادى.