ماكماستەر اۋعانستان استاناسىنا 16 ساۋىردە باردى. ترامپ اكىمشىلىگى ءوزىنىڭ اۋعانستانداعى ساياساتىن قايتا قاراعىسى كەلەدى.

اۋعانستاندا قازىر 8400 مىڭ اقش ساربازى بار. جاقىندا جوعارى لاۋازىمدى امەريكالىق اسكەر قىزمەتكەرى تالىپتەرمەن سوعىستا باسىمدىق الۋ ءۇشىن تاعى بىرنەشە مىڭ سارباز كەرەكتىگىن مالىمدەگەن.

اۋعانستان پرەزيدەنتىنىڭ ءباسپاسوز قىزمەتىنىڭ حابارلاۋىنشا، پرەزيدەنت اشراف گاني مەن ماكماستەر "ەكى جاقتى بايلانىس، قاۋىپسىزدىك، تەرروريزممەن كۇرەس، رەفورما جانە دامۋ ماسەلەلەرىن تالقىلاعان".

13 ساۋىردە اقش "بومبالاردىڭ اناسى" دەگەن اتپەن بەلگىلى GBU-43 / B Massive Ordnance Air Blast بومباسىن اۋعانستاننىڭ شىعىسىنداعى نانگارحار پروۆينتسياسىندا "يسلام مەملەكەتى" سودىرلارى بەكىنىسىنە تاستادى. اۋعانستاننىڭ رەسمي وكىلدەرى شابۋىلدان 94 سودىردىڭ كوزى جويىلعانىن، بەيبىت تۇرعىن زارداپ شەكپەگەنىن حابارلادى. گاني اۋە شابۋىلى اۋعان ۇكىمەتىنىڭ كەلىسىمىمەن جۇزە اسقانىن مالىمدەدى.

"يسلام مەملەكەتى" ۇيىمى سوڭعى جىلدارى اۋعانستانعا كىرىپ، پاكىستاندىق جانە اۋعان تالىپتەرىن وزىنە قوسىپ الدى.

اباي-اقپارات