Aستانا. 18 قازان. قازتاگ – ۆەنادا ترانسۇلتتىق ۇيىمداسقان قىلمىسقا قارسى (پالەرمو كونۆەنتسياسى) بۇۇ كونۆەنتسياسىنا قاتىسۋشى مەملەكەتتەر مينيسترلىكتەرى كونفەرەنتسياسىنىڭ 5-ءشى سەسسياسى جۇمىسىن باستادى. شارالارعا ۆەناداعى حالىقارالىق ۇيىمدارداعى ءبىزدىڭ ەلدىڭ تۇراقتى وكىلى ەرجان قازىحانوۆ باستاعان قازاقستان دەلەگاتسياسى دا قاتىسۋدا، دەپ قر ءسىم ءباسپاسوز قىزمەتى حابارلايدى.

كونفەرەنتسيانىڭ ۆيتسە-پرەزيدەنتتىگىنە سايلانعان قازاقستاندىق دەلەگاتسيا جەتەكشىسى ءوزىنىڭ سوزىندە ۇيىمداسقان قىلمىس تۋدىراتىن قاۋىپتىڭ عالامدىق سيپاتىن ايتا وتىرىپ، حالىقارالىق ىنتىماقتاستىق سالاسىنداعى الدىعا باسۋشىلىقتى اتاپ ءوتتى، دەلىنگەن ءباسپاسوز بايانىندا.

«ە. قازىحانوۆ، كونۆەنتسيا اياسىندا قازاقستاننىڭ ءوز مىندەتتەرىنە نىق بەرىك ەكەندىگىن جانە ەلدىڭ ءتيىستى حالىقارالىق ىنتىماقتاستىقتى دامىتۋعا دەگەن بەلسەندى ۇستانىمىن جەتكىزە وتىرىپ،  قاتىسۋشىلاردىڭ نازارىن اۋعانستان مەن قىرعىزستانداعى جاعدايدى تۇراقتاندىرۋ جونىندەگى، ايماقتاعى قىلمىستىڭ العىشارتىن تومەندەتۋگە باعىتتالعان  قازاقستان قابىلداپ وتىرعان شارالارعا اۋداردى»، - دەپ حابارلايدى ءباسپاسوز قىزمەتى.

قازاقستاندىق ديپلومات بۇۇ ەسىرتكى جانە قىلمىسكەرشىلىك جونىندەگى باسقارماسىنىڭ جۇمىسىن جوعارى باعالاپ، ەقىۇ مەن اتالعان سالاداعى ىنتىماقتاستىقتى كەڭەيتۋگە شاقىردى.

كونفەرەنتسيا، قاتىسۋشى مەملەكەتتەردىڭ ترانسۇلتتىق ۇيىمداسقان قىلمىسقا قارسىكۇرەس مۇمكىندىگىن كەڭەيتۋ جونىندەگى كونۆەنتسيانىڭ ورىندالۋىنا جانە ونىڭ ىسكە اسىرىلۋىن باقىلاۋعا سەپتىگىن تيگىزەتىندەي  ۇسىنىستار ازىرلەپ، ءوز جۇمىسىن 22-ءشى قازاندا اياقتايدى.

بۇۇ-نىڭ وق اتاتىن قارۋعا، ادام ساۋداسى جانە ميگرانتتاردى زاڭسىز الىپ كەلۋگە قارسى حاتتامامەن تولىقتىرىلعان ترانسۇلتتىق ۇيىمداسقان قىلمىسقا قارسى كونۆەنتسياسى قىلمىس سالاسىنداعى باستى حالىقارالىق قۇجات بولىپ تابىلاتىنى بەلگىلى. 2000-شى جىلى قول قويىلعان كەلىسىمشارتتى ساراپشىلار ۇيىمداسقان قىلمىسقا قارسى تۇرۋداعى تاريحي قادام دەپ قاراستىرادى جانە وندا قازىر 157 قاتىسۋشى مەملەكەت بار. قازاقستان كونۆەنتسيا جانە ونىمەن بايلانىستى حاتتامالاردى 2008-ءشى جىلى بەكىتتى.