Tالدىقورعگان. 19 قازان. قازتاگ – بيۋدجەت سالاسىنىڭ نىساندارى مەن تۇرعىن ءۇي-كوممۋنالدىق شارۋاشىلىقتى (تكش) الداعى جىلۋ ماۋسىمىنا دايىندىققا الماتى وبلىسىنىڭ تاريحىندا بولماعان وراسان زور ت15,5 ملرد سوماسىنداعى قاراجات ءبولىندى، دەپ وبلىستىق ەنەرگەتيكا جانە كوممۋنالدىق شارۋاشىلىق باسقارماسىنان حابارلادى.

ودان باسقا، «جول كارتاسى» باعدارلاماسى بويىنشا تكش جۇيەسىن جوندەۋ، دامىتۋ مەن رەكونسترۋكتسياسىنا ت4,8 ملرد بولىنگەن. اتاپ ايتقاندا، «تالدىقورعانجىلۋسەرۆيس»بمكك-كە جىلۋ ماۋسىمىنا دايىندىققا ت1 ملرد-تان استام قارجى جانە جوندەۋ جۇمىستارىنا «جول كارتاسى» ارقىلى ت260 ملن بولىنگەن.

باسقارما مالىمەتتەرىنشە، 5 ايدىڭ ىشىندە 31 قازاندىق، 20 كم جىلۋ تراسساسى، 373 كم سۋ قۇبىرى مەن كارىز جۇيەلەرى جانە 3,2 مىڭ كم-دەي ەلەكتر جەلىلەرى جوندەۋدەن وتكەن. جىلۋ ماۋسىمىنا بارلىعى 910 ءبىلىم بەرۋ نىسانى، 839 دەنساۋلىق ساقتاۋ نىسانى، 292 الەۋمەتتىك نىساندار مەن 844 تۇرعىن ءۇي جوندەۋدەن ءوتتى. ودان باسقا سورعىش ستانتسيالار مەن تازارتۋ قوندىرعىدارى جوندەلدى.

وبلىس اكىمىنىڭ تالابىمەن ءىرى قازاندىقتار ءۇش ايلىق وتىن قورىمەن قامتاماسىز ەتىلۋى ءتيىس. بيۋدجەتتىك ۇيىمداردىڭ 27 مىڭ توننا كومىر قاجەتتىگىنىڭ ورنىنا، ودان بەس ەسەگە ارتىق، 139 مىڭ توننا كومىر قورى جاسالىپ، مازۋت قاجەتتىلىكتەن ءۇش ەسەگە ارتىق دايىندالدى. وبلىس حالقى وزدەرىن كومىرمەن 90%-عا قامتاماسىز ەتتى.

ءسويتىپ، جىلۋ بەرۋ ماۋسىمىنا دايىندىق وراسان زور قاراجاتپەن قۋاتتالدى دەيدى ەنەرگەتيكا مەن تكش باسقارماسىنداعىلار.

باسقارماداعىلار الماتى وبلىسى قىسقا 100%دايىن دەپ وتىر.