ۆاشينگتون رەسەيدەن دونباستا قازا تاپقان اقش ازاماتىنىڭ ءىسىن تەرگەۋىن سۇرادى
اقش رەسەيدى جىكشىلدەرگە ىقپال ەتۋ ارقىلى، ەقىۇ ميسسياسىنداعى اقش ازاماتىنىڭ دوناباستاعى ءولىمىن ءادىل تەرگەۋگە جاعداي جاساۋىن سۇرادى.
اقش مەملەكەتتىك دەپارتامەنتى وكىلى قىزمەتىن اتقارۋشى مارك تونەر ۋكراينا شىعىسىندا جىكشىلدەردىڭ باقىلاۋىنداعى ايماقتا قازا تاپقان امەريكالىق ازاماتتىڭ وتباسىنا كوڭىل ايتتى.
مارقۇم ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ارنايى ميسسياسى قۇرامىندا مەديتسينالىق جۇمىسشى بولىپ ىستەگەن.
تونەردىڭ ايتۋىنشا، ۋكرايناداعى بۇل وقيعانى مينسك كەلىسىمى نەگىزىندە تەز ارادا جان-جاقتى تەرگەۋ قاجەت.
الدىن الا مالىمەت بويىنشا، وتكەن اپتادا ۋكراينانىڭ شىعىسىنداعى جانجال ايماعىندا ەقىۇ ميسسياسىنىڭ اۆتوكولىگى ميناعا ۇرىنىپ، سونىڭ سالدارىنان اقش ازاماتى قازا تاپتى.
اباي-اقپارات
