مەملەكەتتىك قىزمەتكەرلەر ونسىز دا الەۋمەتتىك جەلىدە ەشتەڭە جازبايدى. ازاماتتىق قوعام قۇرىپ، ولار دا ءبارىن اشىق ايتقىسى كەلەدى، بىراق باسىم بالەگە قالعانشا، تىنىش وتىرايىن دەيدى. ونسىز دا بولاشاعى بار جاستار قاتتى قىزىقپايتىن مەملەكەتتىك قىزمەتكە نەگاتيۆ تۋعىزا بەرسەك، ول جەردە كىم جۇمىس ىستەيدى؟

سوسىن xالىق رەنجيدى، بۇل سالاعا دۇرىسىراق ادام قويماي ما دەپ. ال باسى ىستەيتىندەر ۇندەمەي وتىرادى، ولاردىڭ بار-جوعى بىلىنبەيدى، ويتكەنى الەۋمەتتىك جەلىلەردە جازا المايدى. مىنا تۇرىمىزبەن ءبىلىمدى جاستاردىڭ ءبارى شەت ەل اسىپ، ترانسۇلتتىق كومپانيالارعا جاقسى جالاقى ءۇشىن كەتىپ قالادى.

XXI عاسىردا سمارتفونسىز جۇمىستا ءجۇرۋ مەن لايك سياقتى دۇنيەلەردى اڭگىمە قىلۋ - سانانىڭ جاڭعىرۋى ەمەس، سانانىڭ دەگراداتسيالانۋى. اشىق جۇمىس ىستەگىمىز كەلسە، تىيىمدى ازايتقانىمىز ءجون. مەملەكەتتىك قىزمەتكەرلەردىڭ ءيميدجىن كوتەرۋگە تىرىسۋىمىز قاجەت.

نۇرلان جاناي

Facebook-تەگى پاراقشاسىنان